Kraftaheimar.net

Sigfús Fossdal bekkpressukóngur

Á meðan sunnlendingar tóku hrikalega á því  á RAW deddmóti Íslands lagðist Skyrhöfðinginn mjúklega á bekkinn á Akureyri og pressaði nálægt sínu besta á kjötinu eða 230kg.  Kappinn er rétt að byrja að keyra upp þyngdir í fáum repsum eftir að hafa átt við eymsli að stríða í öxlum sem er nú allt í góðum farvegi. HRIKALEGAR þyngdir munu í sumar birtast mönnum þegar hann sloppast upp…Lyftuna með 230kg má sjá á myndbandi: HÉRNA

Palli fermeter…alltaf hrikalegur…

Ritstjórinn er ekki búinn að fá heildarúrslitin ennþá hjá Verinu en það dettur inn…Helstu árangrar á Íslandsmóti RAW Ísland í réttstöðu urðu þau að Rúnar Geirmunds vann 67,5kg flokkinn með 160kg og tók 170 í aukatilraun…Sir Cat vann 75kg flokkinn með öruggri seríu: 210-225-230kg en annar varð Daði Kristleifss með 210kg en hann fór upp með 220 sem dæmt var af honum…Haukur Páls var einn af 4 Íslandsmeisturum SteveGym þegar hann vann 82,5kg flokkinn með 215kg…Þröstur Óla sigraði í 100kg flokki með bætingu upp á 275kg sem var flott lyfta. Arnar Styr varð meistari í tíunni með 260..Orri módel Geirsson tók gull í 125 með 340kg og átti geðveikt góða tilraun við 362,5kg. 140kg flokkinn vann Palli fermeter með seríunni. 300-330-350kg sem var vel útreiknaður toppur þennan daginn.

Palli fermeter vann stigabikarinn

Risinn Hafþór Júlíus Björnsson vann súperinn með 320kg..

“ÆTLAR ÞÚ AÐ TAKA AÐ ÞÉR AÐ SLÁ HANN?”

.Hafþór virtist hálf áhugalaus í fyrstu tilraun með 280kg og  sagði þá Cat við Kerfismolann: “Þarf ekki að slá hann eða eitthvað til að koma honum í anda?”…Kerfis leit skelmislegur á köttinn: “Ætlar þú að taka að þér að slá hann?”...Það fór nú samt þannig að þegar Hafþór var búinn að henda upp 300 og var að fara í 320kg gekk Kerfismolinn til hans og dúndraði hann utan undir á báða vanga…Þessu þorði hann eftir allt saman… enda var 320kg glettileg lyfta…

meira síðar!

Gemma Taylor Magnússon brosir breitt í miðið á alþjóðakraftakeppni kvenna 2005

Super-Gem hans Benna tarfs hefur deddað vel á æfingum undanfarið og má segja að það sé fjölskylduíþróttin…Það hafa tiltölulega fáar konur deddað 250kg+ frá upphafi pávers og örfáar 260kg+ en von er á því að Gemma stúti allavega 250kg múrnum á morgun á Íslandsmóti í réttstöðulyftu hjá RAW Ísland. 23 keppendur eru skráðir en mótið fer fram í Jakabóli æfingastöð Strongest í Þverholti og byrjar kl.13.000

Gemma sem hefur unnið titilinn Sterkasta kona Bretlands er að komast í réttan fíling og ætlar að fara keppa aftur í aflraunum og reyna að vinna keppnina Sterkasta kona heims við tækifæri..Til undirbúnings þessu deddar hún hrikalega og hefur í framhaldi af RAW deddinu hugsað sér að keppa á Barmóti Murtomakis í Finnlandi með Kerfismolanum og síðan á EM á Akureyri í júní og eftir þau átök munu allir andstæðingar hennar finna fyrir hinu íslenska afli sem umlykur hana eftir veruna hér á klakanum…

Stefán Hallgrímsson heims og Evrópumeistari

Í dag flaug Steve til Seattle í Kanada á HM öldunga í frjálsum íþróttum…Steve keppir í flokki 60-64 ára en hann hefur allavega tvisvar sinnum orðið heimsmeistari í tugþraut og fimmtarþraut og nokkrum sinnum Evrópumeistari…Kappinn hefur æft vel fyrir mótið og er nokkurnveginn meiðslafrír og mun því sækja hart að gullinu hvort sem það nú verður í tugþrautinni eða fimmtarþrautinni…Kraftaheimar munu greina frá árangri foringjans þegar þar að kemur en honum fylgja heimsmeistaraóskir frá öllum í gyminu…..

Rúnar Geirmundsson - Hroðinn….

-

Nokkra athygli vakti á síðasta páverári ungur og stæltur gæi sem sýndi skemmtilega hörku á keppnispallinum…Það er Rúnar Geirmundsson sem er bróðir hins kunna kraftamanns Heisa…

KRAFTAHEIMAR LAGÐI NOKKRAR SPURNINGAR FYRIR KAPPANN:

-HVERNIG STÓÐ Á ÞVÍ AÐ ÞÚ BYRJAÐIR Í PÁVER OG HEFURÐU VERIÐ Í ÖÐRUM ÍÞRÓTTUM?

“Ég var fyrst 12 ár í fótbolta (hvílík sóun!..innskot ritstjóra) og svo var ég í blaki og komst í unglingalandslið þar. Ég meiddist eitthvað í þessu sprikli öllu og sá svo páverljósið.” “Heisi bróðir er auðvitað frábær og hann hvatti mig áfram”

HVERJUM HEFURÐU HELST VERIÐ AÐ ÆFA MEР?

“Ég hef helst verið að taka á því með Heisa og Þrumu-Þór og Dóra driver. Þeir eru allir hrikalegir og hafa tekið mig í gegn frá því ég byrjaði sem 56kg tittur en hef nú þyngst um 12kg undir þeirra leiðsögn og er orðinn 68kg og hef bætt mig í pávergreinunum um tugi kílóa.”

Á MÓTUM VIRKARÐU NÚ ÆSTUR OG GEÐVEIKUR,HVAÐ SEGIRÐU UM ÞAÐ?

“Ég er nú rólegasti maður sem þú finnur þangað til ég kemst í páver…Ég man aldrei eftir lyftunum mínum.aldrei..því ég kemst í einhvern annan heim!” “Einhverja geðveiki kannast ég ekki við nema í pávernum…þar fer ég í algjört blackout!”..(flottur!)

HVER TÓK UPP Á ÞVÍ AÐ KALLA ÞIG LÉTTMOLANN HINU HROÐALEGA FLOTTA VIÐURNEFNI:”HROÐINN”?

“það var módelið í kraftaheiminum þessi hroðalega fagri Orri Geirss sem kallaði mig þetta fyrstur. Ég ætla að standa undir þessu og stefni að því að verða óógeðslega sterkur og köttaður api!”

Heisi og Hroðinn taka hálfan krabba…

HVAÐ MEÐ NÆSTU MÓT OG BÆTINGAR?

“Ég verð með á RAW deddmóti Versins um helgina og verð kannski með á RAW beygjumóti SuperGym og svo Íslandsmóti ÍKF Metal í apríl..ég vil helst keppa allstaðar og bæta mig í hvert skipti!” Ég hef lofað að keppa aldrei í útbúnaði (aldrei að segja aldrei!)…á þessum mótum verð ég í 67,5kg flokki en Hroðinn ætlar að éta sig upp í 75kg flokk á Bikarmót ÍKF Metal í október og taka hrikalegar bætingar!”

HVAÐA ÞYNGDIR ER HROÐINN AÐ TAKA?

“Í augnablikunu er ég að taka 150 í beygjum, 85 á bekk og 160 í deddi allt á kjötinu en ég á vel inni því ég hef ekki toppað neitt síðan í fyrra.”

Kraftaheimar þakka þessum efnilega léttmola sem er í hroðalegum anda fyrir spjallið og óskar honum velgengni á næstu mótum. Eitt er víst að áhorfendur munu taka eftir þessum pávermanni á pallinum….

Daman tók nokkrar léttar jóga-armbeygjur á planinu áður en hún reif í stálið…

Ritstjórinn getur svarið það að hann og allir í SteveGym héldu að foringinn væri að grínast þegar hann tilkynnti félögunum að von væri á níræðri kellingu að dedda í gyminu…Það var víst þannig að mamma Alexanders sérsveitar-hermanns var um daginn að nudda Steve á nuddstofunni sinni þegar hún hóf máls á því að 90 ára gömul kona ótrúlega hress vildi prófa að lyfta í því sem væri kallað dedd… Gamla hefðardaman hafði einhversstaðar heyrt það að dedd væri toppurinn í því sem unga fólkið kallaði páver…

Nokkrir daga liðu en svo mætti sú níræða öllum til furðu og hafði hún sér til fulltingis sjötugan eða áttræðan aðstoðarmann af karlkyni…Hún spurði strax næsta mola: “Hvar á maður að dedda?”…Kellu var vísað á pallinn og þar deddaði hún 70kg létt..og átti inni!..Síðan fór hún í handlóðin og pumpaði þar á fullu allt þar til sjálfur Steve birtist allveg furðu sleginn yfir þessu öllu…Svona er í raunveruleikanum…allt ótrúlegt og óvænt og allt getur gerst…

Íslandsmót RAW Ísland í réttstöðulyftu fer fram í Jakabóli Þverholti laugardaginn 27 febr. kl. 13.00 - Vigtun er á föstudeginum kl.19-20 í Jakabóli og svo aftur fyrir þá sem þurfa á laugardeginum kl.11-12.

Af 23 keppendum skráðum eru 9 molar úr SteveGym!..Samt vantar þekkta kappa úr gyminu eins og t.d. Gunna master, Silla trappa,Patrópáver og Bjarka geysi. Þeir sem keppa úr SteveGym eru:Arnór Ingvarsson,  Kári magister, Magnús Ingvarsson, Bjarki Pálsson,Haukur Pálsson,  Þröstur Ólason, Arnar Styr, Sigurjón Ólafsson og Bjarki hriki.

Athugið að hjá RAW og WPC Ísland

eru engin félagsgjöld, þeir sem greiða

keppnisgjald (3000kr) eru fullgildir

til að keppa og setja met

Þeir sem hafa þegar skráð sig eru :

Karlar : 67,6kg Arnór Ingi Ingvarsson,Rúnar Geirmundsson,  75,0kg Kári Elísson, Magnús Ingi Ingvarsson,Daði Kristleifsson.  82.5kg Bjarki Þór Pálsson,Haukur Pálsson  100kg Þröstur Ólason, Sigurður Halldórsson, Hafliði Arnar Bjarnason. 110kg Sigurður Jóhannsson, Arnar Styr Björnsson  125 kg Sigurjón Ólafsson, Óli Valur Guðjónsson, Orri Geirsson, Bjarki Elí Ólafsson  140kg Páll Logason, Skúli Ármannsson   +140kg Hafþór Júlíus Björnsson Konur: Jóhanna Rut Ingimarsdóttir, Stefanía María Arnardóttir, Halla Rún Friðriksdóttir, Gemma Magnússon. Skráningu líkur 23 feb.

Skráning á magnusver63@hotmail.com

eða í síma 6630001

Hnébeygjan er talin erfiðasta grein páversins og þar er lyft mestu þyngdunum!

Það hefur ekki verið mikill áhugi hérlendis fyrir sérstöku hnébeygjumóti en þar sem við eigum nú einn sterkasta beygjumann Evrópu Skyrfúsinn 435kg, Auðunn 432,5kg og svo eigum við Borgarnesbolluna 415 og svo nokkra með 400kg þannig að nú á dögum yfirbúnaðar eru miklar framfarir í þessari grein hérlendis sem annarsstaðar.

Þess má geta að á dögum Sir Cats fyrir norðan í gamla daga hélt KFA uppi heiðri beygjunnar sem hluta af sýningarmóti í Færeyjum árið 1980 eða 1981. Síðan lyfti Kötturinn yfir Íslandsmeti í beygjum 240kg í 67,5kg flokki á hnébeygjusýningu um Verslunarmannahelgi í Atlavík 1985. Þannig að í framhaldi af þessu má segja að það hafi bara verið tímaspursmál hvenær formlegt beygjumót yrði haldið. Sunna Hlín fór fyrir stuttu að vekja máls á þessu og nú hefur SuperGym með Gemmu í fararbroddi sem skipuleggjanda ákveðið að halda fyrsta mótið. Laugardaginn 20 mars kl.13.00 Þetta er þó ekki Íslandsmót heldur eingöngu mót á vegum SuperGym þar sem keppt er án stálbrókar. Belti og vafningar leyfðir.

Áhugasamir beygjujaxlar skráið ykkur tímanlega til Gemmu á netfangið: gemma@supergym.com

Upplýsingar: http://www.facebook.com/event.php?eid=341777808237