Kraftaheimar.net

Víkingar hafa alltaf verið tákn eldmóðs og afls….

Sigfús Fossdal og Ingibjörg Óladóttir skyrfrú hafa verið að undirbúa opnun nýrrar æfingastöðvar fyrir norðan um hríð og heitir stöðin Viking Gym. Ekki sérlega frumlegt þar sem einhverjar stöðvar út í heimi heita þessu nafni en kannski hyggst Skyri síðar fara í útrás og sameina þessar stöðvar undir einum öflugum hjálmi…Kraftaheimar óska þeim skyrhjónum til hamingju með stöðina og nýja flotta bekkpressubekkinn sem Baldvin bekkur smíðaði og ber uppi komandi bætingar Skyrhöfðingjans og allra hinna er á bekk þennan leggjast með stálblik í augum…

Eigendur Viking Gym Sigfús og Ingibjörg spá í það hvernig best er að bekkjast á….

Fréttatilkynning frá Viking Gym kemur hérna um formlega opnun á laugardaginn:

VIKING GYM

Opnar formlega laugardaginn 3. október í Tryggvabraut 22, 3 hæð (fyrir ofan Axelsbakarí).

Frír aðgangur allan daginn, frá 11 til 16, og fríir prótein drykkir frá http://www.facebook.com/l/427c0;perform.is í boði.

Opnunar tímar frá og með 5. Oktober.
Mánudagur til föstudagar, 06:00 til 22:00
(aðgangur í salinn er til 21:00, en má æfa til 22:00)
Laugardaga frá 11:00 til 16:00.

Opnunartilboð út október:
Mánaðarkort 4500 kr
3 Mánaðarkort 9900 kr
6 Mánaðarkort 19900 kr Árskort 27500kr

Einkaþjálfarar og nuddarar til staðar.

Í oktober byrja svo lyftinga námskeið, bæði fyrir byrjendur og þá sem hafa einhverja reynslu (sitthvort námskeiðið). Þau hefjast 12 október, og standa í 4 vikur í senn. Skráning og fyrirspurnir í síma 8669049, hjá Sigfúsi).

Svo loksins á Akureyri, Powerburn námskeið. Brennsla og styrktaræfing saman í pakka sem hafa verið að skila ótrúlegum árangri. Fyrstu námskeiðin byrja 14. Október, skráning í fullum gangi, færri komast að en vilja. Upplýsingar og skráning hjá Ingibjörgu í síma 8670374, eftir klukkan 16:00.

Vonum að sem flestir láti sjá sig og skoði aðstöðuna.

Kveðja, Sigfús og Ingibjörg.

Það voru nú mun meira af slöngudrasli en þetta tengdar við Magister Cat á tímabili..

Ritstjóri vor er enn slappur eftir nokkrar hremmingar og smátúr í aðra vídd þar sem páverguðinn kom honum til baka..með hjálp glettilegs læknis og nokkurra súperhjúkkna og sjúkraliða Landspítalans…En Matta meiriháttar sér nú af kostgæfni um alla heimahjúkrun kappans…

9 dagar á spítala er ekkert sældarbrauð þar sem maður var m.a. baðaður af konu eins og ungabarn en svona gengur þetta..Kisinn keppir ekki í Vegas en fer kannski með ef hann hressist meira..Þakkir eru færðar til þeirra sem heimsóttu mig á spítalann og til Bóndans fyrir fallegt komment hérna til mín og þeirra sem hringdu til Möttu á meðan ég var fjarverandi og ritað hafa góðar kveðjur til mín á Facebook…

Fógetamótið sem haldið er í minningu Ólafs Sigurgeirssonar bekkpressumeistara og lögfræðings fer fram í SuperGym í Hafnarfirði laugardaginn 3 október kl.13.00 - Vigtun fer fram daginn áður föstudag í SteveGym kl.13-14 og 18-19.

Skráning er til 27  september á netfangið: sirmagister@visir.is

Þeir sem þegar hafa skráð sig:

67,5kg.fl.

Sigurður Pálsson

75kg.fl.

Harry Harrysson

82,5kg fl.

Einar Guðnason

90kg.fl.

Ísleifur Árnason

Svavar Smárason

Eyjólfur S Kristinsson

Björgvin Friðbjarnason

Bjarki Pálsson

Árni Þór Sigfússon

100kg.fl.

Hrólfur Flosason

Ásmundur Gunnarsson

Daníel Gerena

Brynjar Karl Guðmundsson

110kg fl.

Sigurþór Arnarsson

Gunnar F Rúnarsson

125kgfl.

Bjarki Ólafsson

Sigurjón Ólafsson

140kg fl.

Jón B Reynisson

140+kg fl.

Benedikt Magnússon (Tarfur)

Metalmoli í Metalpeysu með Metalhúfu …Toppur alheimsins….

Núna segja menn að  Fjölli teygjutvister sé æðsti prestur í búkkabiblíubransanun á bekknum en að Skyrinn sé Páfinn sjálfur í þessum búkkafræðum…Hvað um það… Á æfingu á föstudag tók Fjölli vel á búkkabiblíu-bekknum með 200kg í nokkrum settum í nýja þrönga sloppnum  (Metal Kingpresser 54)..

Fyrst tók Tvister tvistinn niður á 2 búkka (biblíur) og svo niður á eina biblíu…og kláraði þá lyftu sem hrikalegan topp en reyndi svo í anda við tvistinn niður á kassa en vandamál biblíumanna kom þá í ljós og stöngin komst ekki lengra niður en sem nam einni biblíu og pressaði Fjölli þyngdina upp þaðan…

Masterinn tók skemmtilegt myndband af Tvisternum með tvistinn niður á eina biblíu: HÉRNA

Flosi Jónsson spiderman beygjir tré helskafinn á aukaæfingu í Hallormsstaðaskógi

Íslandsmót WPC félagsins í bekkpressu fór fram í dag og bar það helst til tíðinda að tveir molar úr SteveGym hlutu gull í sínum flokkum en það voru þeir Flosi spider sem vann 100kg flokkinn með 160kg léttri lyftu í mikilli sloppaþraut eftir að hafa fengið ógildar tvær fyrstu.  Þessir gömlu jaxlar hafa seigluna til að klára svona mót en kappinn vigtaðist inn rúm 94kg í miðri tæknisköfun oní 90kg flokkinn á HM í Vegas….

Evrópumeistari öldunga Gunnar Freyr Rúnarsson fór létt með Íslandstitil hjá WPC

Gunni master lenti einnig í byrjunarörðugleikum vegna sloppamála og klúðraði 2 lyftu sinni en skipti um slopp þá og slapp með skrekkinn og tók gullið með 185kg lyftu..Þess má geta að einn helsti andstæðingur Mastersins var hin forna goðsögn Ögmundur Árnason “crazy” sem er á 63 aldursári en hann tók 150kg í guðsgreininni og er hvergi hættur þrátt fyrir meiðslahrellingar og fleira…

Meira um mótið má sjá á Vöðvafíkn: HÉRNA

Gífurleg þátttaka hjá ÍKF METAL!

Keppnisárið hjá ÍKF METAL undir stjórn formannsins Hemma Haralds hefur verið magnað og félagið á eftir að halda 2 mót innanlands fyrir utan hinn mikla fjölda keppenda sem verður á Heimsmeistaramótinu í Las Vegas í nóvember. 12 keppendur hafa þegar gengið frá skráningunni út og aðrir 3 eru enn heitir og ef þeir staðfesta þátttöku sína með formlegum hætti og keppnisgjöldum út þá verður sett nýtt Íslandsmet í þátttöku í páver frá upphafi íþróttarinnar yfir öll sambönd og félög,  hvorki meira né minna! Það er allt að gerast  hjá Metal!

KEPPENDUR ÍSLANDS Á HM ERU ÞESSIR:

1. Valdimar R Valdimarsson, páver, opinn fl. 100kg

2. Páll Sigurðarson, páver,opinn fl.100kg

3. Fjölnir Guðmannsson, páver,opinn fl.110kg

4. Sigfús Fossdal,páver og bekkur,opinn fl.140+kg

5. Páll Logason, páver,unglingafl. 140kg

6. Hermann Haraldsson bekkur, öld.fl. 45-49 ára.100kg.fl.

7. Gunnar Rúnarsson, páver,bekkur og rstl. öld,fl. 40-44 ára 110kg

8. Jón Gunnarsson, páver,öld.fl. 50-54ára 100kg

9. Flosi Jónsson, bekkur,öld.fl.55-59ára 90kg

10. Ingvar Ingvarsson, bekkur,öld.fl.45-49ára 110kg

11. Jón B Reynisson, bekkur, öld.fl.45-49ára 140kg

12. Þröstur Ólason. réttstöðulyfta,unglingafl.90kg

——————————-

MEIRA FRÁ HM SÍÐAR!

METNAÐUR OG AFREK UNDIR SAMA HATTI!

Brauðin á Ringo eru öll að koma til….

Fréttastofan náði í gærkvöld smáspjalli við Ingvar ringo í Nýfundnalandi þar sem hann var nýkominn úr helsta járnahaugnum í ST. Johns…“HVERNIG ER VINNAN ÞARNA ÚTI?”…

“Blessaður maður þetta er allt svipað og heima nema að vinnuvikan er styttri hjá mér”  svaraði kappinn. -

“LABBAR MOLINN EITTHVAÐ EÐA ERTU KOMINN Á BÍL?”

Nú heyrðist ánægjumurr á línunni,(nokkurskonar mal) : ” Nehei köttur, ég labba sko ekkert meira en ég þarf! -  Hringrás þetta toppfyrirtæki er búið að skaffa mér frían bíl svo maður er í hálfgerðum þingmannafíling inn á milli!”

“EN ELDAMENNSKAN HVERNIG GENGUR HÚN?”

“Ég er steinhættur því köttur,hún Addý mín sér núna um allt svoleiðis þannig að ég þarf bara að hugsa um að éta og það mikið!”…”Ég er um 111kg á skjóðuna núna en ætla að þyngja mig upp í 115-116kg og verða áfram bæði fagur og sterkur!”

“EN BEKKURINN HVERNIG GENGUR HANN?”

“Ég tók fyrir stuttu 205kg á kjötinu og er rétt að komast í gang hérna í sveitinni,ég tók mest 220 fyrir Amsterdam á kjötinu og byrja á því að stúta því og set síðan stefnuna á allra tíma kjötbætingu en ég tók 230 fyrir hjartauppskurðinn 2004 rétt áður en ég tók 280 á móti og fór upp með 290 í slopp..“ÞESSU VERÐUR ÖLLU STÚTAÐ!”

“ERU EINHVERJIR PÁVERMENN ÞARNA Í GYMINU HJÁ ÞÉR?”

“´Nei,engir pávermenn hérna en ég sá um daginn fyrirferðamikinn mola,kastara eða eitthvað svoleiðis mæta á æfingu og repsa 230 í beygjum,það var athyglisvert. Ég sé  heldur enga kreppunga hérna bara svona venjulega pumpara og svoleiðis lið.”

Kraftaheimar þakka Ringo fyrir spjallið og vonum að hann nái að gæðamassa sig  upp fyrir bætingarnar í 125kg flokknum… Segjum meira frá undirbúningi þessa  magnaða kappa  fyrir HM í Las Vegar á næstu vikum…

Finninn sterki Ano Turtiainen æfir keðjubekkinn á fullu

Nýrri öld fylgja nýjar æfingar og nýjar bætingar….Bekkpressa með keðjum sem hengdar eru á stöngina er ein af þessum nýju æfingum sem molar samtímans eru farnir að nota til að sprengja vigtaskalann á gömlu þyngdunum…Það eru ekki bara einhverjir súpersloppar sem gefa tölur í bekknum eins og margir virðast halda…Reyndar eru keðjurnar líka notaðar í beygjur og dedd með góðum árangri….

Í gamla daga æfðu menn keðjulausir á einföldum bekkjum…

Hluti keðjanna er alltaf á gólfinu og fer síðan upp á við eftir því sem stöngin fer upp frá kassanum..þannig þyngist á stönginni eftir því sem ofar dregur og lyftarinn  fær meiri þjálfun í að klára pressuna..Þetta er allt öðruvísi en að búkkabíblíast því þegar menn nota búkka þarf að starta vigtinni frá búkkanum sem er því takmarkaðri og einhæfari hreyfing…..Um daginn var fyrsta myndbandið tekið í SteveGym af keðjubekk en þá fór Gunni master upp í 120kg…SJÁ: HÉRNA

Það eru engar sérstakar reglur eða prógröm til um það hvernig skal æfa keðjubekk.  Það eru nokkrir í SteveGym sem eru að æfa fyrir HM í Vegas og þeir taka t.d. keðjubekk í 5 x5 á eftir þunga bekknum og láta svo keðjubekk alveg duga á létta deginum….allt hratt og frískt með keðjunum báða dagana.  Menn verða svona bara að prófa sig áfram með þetta og alveg gleyma búkkabiblíum á meðan…Keðjur eru raun-alvara!

Benni breiðsíða hefur náð bekkbætingum með keðjuþjálfun -  Kappinn ætlar að keppa í Las Vegas og láta keðjurnar tala!