Kraftaheimar.net

Tveir Evrópumeistarar  í Amsterdam -Kári magister og Ingvar ringo…

Ritstjórinn er að skríða saman eftir Hollandsförina því eftir megrun í 75kg flokkinn þar sem tæknisköfunin mistókst eitthvað þjáðist Cat af ofþornun og hjartsláttartruflunum en hitinn í Amsterdam var alltaf á bilinu 25-32 stig auk þess sem loftræsting á keppnisstaðnum var léleg. Allir keppendur Metal komust á verðlaunapall og var Ingvar ringo einn helsti afreksmaður mótsins í bekkpressu þar sem hann náði mestu þyngd mótsins 260kg ásamt einum öðrum mola (reyndar hrikalegum léttmola  Bernard Delaney Írlandi sem tók þessi 260kg í 90kg opnum flokki)

Hluti áhorfenda á laugardeginum

Áður en maður fer nánar í árangur íslendinganna má segja það að það var mikið spurt út í hvar íslensku bollurnar væru eiginlega…af hverju yfirmolar Íslands væru ekki að keppa um Evrópumeistaratitla?…Það sást að þótt nokkuð sterkir rússar og búlgarar væru á mótinu þá náðu þeir ekki hinum háa íslenska bollustandard í þyngdum í beygjum og deddi,en þeir detta inn öflugri smám saman í náinni framtíð enda eru þessar þjóðir nýjir meðlimir WPF . Mesta beygja mótsins var 340kg og mesta deddið var 320kg. Mikla athygli vakti samt búlgarinn Alexander  í 100kg opnum flokki, Hann hlaut gullið með tölurnar: 340-250-300-890kg (mesta total mótsins) Þessi búlgari var þó tiltölulega grannur og hávaxinn í flokknum og var útlitslega aðeins með góðar bífur en var hrikalega sterkur og harður og fór raunar mjög létt upp með 360 í beygjum sem var dæmd af 1-2. Hann keppti síðan daginn eftir líka á sunnudeginum og bætti sig þá í bekk í 252,5kg!

Alexander Kyurchev Búlgaríu- glæsilegur sigurvegari í 100kg opnum flokki tekur hér 280kg dedd í fyrstu tilraun með gamla stílnum-hann tók: 340-250-300-890kg

Magister Cat ásamt stórum rússa sem tók 210kg á bekknum á kjötinu

Árangur Íslendinga á EM varð þessi:

PÁVER: 75kg fl. öld (55-59 ára) 1.sæti Kári Elíson 190-115-220-525kg

Cat tók 180 og 190 í tveimur fyrstu beygjum nokkuð létt gildar með öllum hvítum og 200kg fór einnig örugglega upp en var dæmd af 1-2. Vegna krampa í mjöðmum í upphitun á bekknum var aðeins tekin ein örugg lyfta með 115kg,þannig að ekki var hægt að segja að ritstjórinn væri að græða mikið á sloppnum (Metal king nr.56 Ingvar) þar sem fyrir mótið var tekið 130 á kjötinu…Eftir að hafa verið alveg að andast eftir bekkinn þá var byrjunarþyngdin í deddinu lækkuð um 35kg og fyrst tekið 200kg og síðan heimsmet með 220kg nokkuð létt og 240kg fór einnig örugglega en var samt dæmt af 1-2 þar sem útrétting þótti ekki 100% góð. 525kg totalið  eftir 5 tíma keppni var svo einnig heimsmet í þessum aldursflokki.

Palli patrópáver beygjir…

PÁVER: 100kg fl.opinn fl.  3.sæti Páll Sigurðarsson 190-135-230-555kg.

Patrópáver stóð sig glettilega og þótt monolyftið væri aðeins að trufla hann eins og Magister áður. Palli  tók 175 létt í fyrstu beygjunni og síðan örugga með 190kg á þremur hvítum en klikkaði á 200kg í síðustu lyftu.en þá stóð Patró heldur þröngt þar sem eitthvað klikkaði að taka út úr monolyftunni. Bekkurinn var hraður og góður og allar lyftur vel léttar í seríunni: 115-125-135kg og virtist allavega 5kg vera inni….200kg dedd flaug upp í fyrstu og 220kg einnig létt í 2 tilraun en var dæmt af þar sem tærnar lyftust frá gólfi á meðan á lyftu stóð!..Samt var ákveðið að taka 230kg og fór það upp í svækjunni gild 3-0..Pallinn sló Ingvar alveg út í svita og þurfti að skipta um marga boli á meðan keppni stóð en keppnin hjá honum stóð í 5 og hálfan tíma.

Patrópáver deddar 230kg af öryggi

Ingvar ásamt hjálparhellunni Birgi Þorsteinssyni sem kallaður er Litli-Fúsi og býr í Amsterdam

BEKKPRESSA: 110kg fl. öld.45-49ára 1.sæti Ingvar Ingvarsson 260kg. (Heimsmet!)

Ringo búinn að vera í hrikalegum anda og hélt honum í hæstu hæðum allan tíman fyrir mót, í mótinu og eftir mót….Alltaf sást kappinn í molabol þar sem massinn blasti við mönnum og allsstaðar starði liðið á hann eins og hann væri marsbúi með stökkbreytta handleggi…Það hefur eflaust farið hrollur um Tony Brown heimsmethafa þegar hann mætti þessu íslenska fyrirbrigði í upphituninni því þótt Tony sé þokkalegasti moli þá minnkaði hann allur við hliðina á Ringo..Keppnin á milli þeirra var stórskemmtileg þar sem Tony barðist eins og hetja gegn ofureflinu og varð að játa sig sigraðan að lokum..Ingvar tók 240kg í fyrstu himinlétt en Tony tók forystuna með 245kg.fremur þungt..Ingvar fór þá í nýtt heimsmet með 253kg og fleygði því upp…Tony var í fullum og gír og með mikilli seiglu og hörku í hægri lyftu tók 255kg sem hefði verið heimsmet en það var dæmt af vegna tæprar útréttingar nokkuð réttilega. Í þriðju umferð klikkaði svo Tony á 255 á meðan Ingvar æddi í heimsmet með 260kg og tók það auðveldlega vel hratt og glæsilega!..Í 4 tilraun fór Ingvar svo upp með 270kg en það var dæmt af vegna mispressunar í lokin sem var nokkuð greinileg og lítið við því að segja þannig…Evrópumeistaratitill Ingvars með glæsibrag..sigur á heimsmeistara og heimsmethafa…Gerist ekki betra! -

MYNDBAND INGVAR HEIMSMET 260kg: HÉRNA

MYNDBAND TILRAUN VIÐ 270kg: HÉRNA

Hemmi formaður Metal ásamt erlendri valkyrju Angie Mc namara frá Írlandi sem deddaði 177,5kg  í 67,5kg flokki

BEKKPRESSA: 100kg fl. öld. 45-49 ára 1.sæti Hermann Haraldsson 195kg.

Hemmi formaður stóðst alþjóðlegt dómarapróf með flottri einkunn upp á 9,7  í tvo daga í röð áður en hann keppti. Hann er því fyrsti alþjóðadómari ÍKF METAL og óskum við honum til hamingju með það!…Hemmi sem á best 202,5kg í 100 en 205 í tíunni stefndi á allra tíma bætingu í bekknum..Hann tók í fyrstu 195kg vel létt..Eftir óvænta aðvörun um að hann héldi of gleitt um stöngina ,breytti hann gripinu en fór svo upp með 207,5kg bætinguna en því miður varð hún dæmd af 1-2 því rassinn var víst tæpur..gremjulegt en svona er þetta!..í þriðju klikkaði hann á sömu þyngd því hitinn og léttingin var farin að taka sinn toll. Hemmi  krækti samt í nokkuð óvænt gull með því að vinna helsta andstæðing sinn en sá varð hálf magnþrota í svækjunni.

BEKKPRESSA: 110kg fl. öld. 40-44 ára 1.sæti Gunnar F Rúnarsson 170kg.

Masterinn mættur í slaginn á sitt fyrsta alþjóðamót…170kg í fyrstu flaug upp en eitthvað dúaði stöngin á kassanum eins og um tvöfalt start væri að ræða og var lyftan dæmd af…önnur tilraun með sömu þyngd var þá tekin og núna var hún pottþétt…Magister ráðlagði næstu tilraun í 190 þótt 185 væri alveg raunhæft en undir áhrifum frá aðal aðstoðarmanni íslendingahópsins Gunnari Ólafssyni skemmujarli þá fór Masterinn í bjartsýniskast og lét melda 200kg…!…það varð svo 4cm lyfta frá kassa og reynsla stimpluð inn…

Gunnar master tekur 275kg í réttstöðu

RÉTTSTÖÐULYFTA: 110kg.fl.öld.40-44 ára 1.sæti Gunnar F Rúnarsson 275kg.

Masterinn var með sterkustu deddurum allra öldunga á mótinu óháð þyngdarflokki þannig að sigur hans í tíunni hérna var vel verðskuldaður. Fyrsta tilraun með 250 var hröð og skítlétt og 275kg í annarri var vel örugg en samt ljóst að ekki var mikið inni…Hann var greinilega upp á þyngd við bætingu..(persónulegt met 282,5kg)…290kg var síðan síðasta tilraunin…startið var ágætt en heldur mikið “stiff leggað” og fór stöngin upp að hnjám eða svo…Tvöfaldur Evrópusigur hjá Masternum var í höfn og fari hann á HM í Vegas verða örugglega meiri þyngdir á sveimi hjá honum!

Tveir helstu aðstoðarmennirnir á EM: Litli Fúsi og Gunnar  skemmujarl,

jarlinn kom til mótsins frá Danmörku með Ingimundi Borgnesing en þessir kappar allir eru fyrrverandi pávermenn

Íslandsmót ÍKF METAL  í réttstöðulyftu 2009 fer  fram laugardaginn 18 júlí kl.13.00 á Eiðistorgi Seltjarnarnesi. Mótið er jafnframt svonefnt Guttormsmót þar sem keppt er í bekkpressu. Þeir sem keppa í báðum greinum keppa um verðlaunagripinn Guttormsnautið sem Ási flæðilurkur er nú handhafi að frá því í fyrra.

Skráning fyrir 12 júlí. Þar á að koma fram fæðingardagur og þyngdarflokkur og hvort viðkomandi ætli að keppa í báðum greinum.  Sendist til ritara Metal á netfangið: sirmagister@visir.is - Vigtun fer fram daginn áður - verður nánar auglýst síðar.

Stjórn ÍKF METAL

Amsterdam- borgin þar sem stálið blífur!

Það styttist í ferðalag Metalmola til Hollands á Evrópumót EPC  sem er Evrópuarmur WPF alþjóðasambandsins. Keppendur Íslands á þessu móti eru eins og áður hefur komið fram þeir:

Kári Elíson 75kg fl.öldunga 55-60 ára  (kraftlyftingar)

Páll Sigurðarsson 100kg fl. opinn flokkur  (kraftlyftingar)

Hermann Haraldsson 100kg fl. öldunga 45-49 ára  (bekkpressa)

Ingvar Ingvarsson 110kg fl. öldunga 45-49 ára  (bekkpressa)

Gunnar F Rúnarsson 110kg fl. öldunga 40-44 ára ( réttstöðulyfta og bekkpressa)

SÍÐUSTU ÆFINGAMYNDBÖND:

Páll tekur bekkbætingu  í Latabæjarsloppnum 130kg: HÉR

Hemmi tekur 200kg  en rekst í stadífin á bekknum: HÉR

Gunni master rétt missir á bekk 195kg: HÉR og deddar 270kg léttilega: HÉR

Kári magister deddar 240kg: HÉR

Ingvar ringo bekkjast með 253kg: HÉR

Keppnin á EM fer fram á föstudag, laugardag og sunnudag.

Stebbi stórskjóða -Sterkasti maður Íslands keppir á Vestfjarðavíking!

Vestfjarðavíkingurinn, keppni sterkustu manna landsins fer fram dagana 2 til 4 júlí og fer hún fram víðsvegar um Vestfirði á þessum þremur dögum.     Keppt verður á eftirtöldum stöðum:

Fimmtudagur 2 júlí

kl 14     Hólmavík          ( í Sundlauginni )

kl 18     Mjóifjörður                ( Heydalur )

Föstudagur 3 júlí

kl 12          Súðavík         ( Raggagarður )

kl 15       Suðureyri        ( á Sjöstjörnunni )

kl 18     Ísafjörður           ( á Silfurtorginu )

Laugardagur 4 júlí

kl 12  Bolungarvík  ( við Grunnskólann )

kl 16       Þingeyri              ( við Kirkjuna )

kl 17       Þingeyri        ( Víkinga svæðið )

Nýtt merki Aflraunafélags Akureyrar

Norðlendingar héldu sína kraftakeppni í gær og gekk þar á ýmsu óvæntu og skemmtilegu þar sem m.a. tvær keppnisgreinarnar voru óframkvæmanlegar þegar allt kom til alls en Sigfús mótshaldari reddaði samt öllu í Dúddastíl… Keppninni lauk með sigri Skyrhöfðingjans en þetta er annað árið í röð sem hann vinnur Aflraunameistara Íslands keppnina. jón Þór Ásgrímsson og Úlfur Orri Pétursson mættu sterkir til leiks og tókst að setja Skyrann aftur fyrir í tveimur greinum þótt eigi tækist þeim að ógna heildarsigri Sigfúsar. Kraftaheimar óska kappanum til hamingju með sigurinn!

Skemmtileg skrif eru um keppnina á vefsíðu AFA og sem dæmi tökum við þetta með bessa leyfi orðrétt:

1. Sigfús Fossdal
   
2. Úlfur Orri Pétursson
3. Jón Þór Ásgrímsson
4. Árni Freyr Stefánsson
5. Hallgrímur Pálmi Stefánsson

Kraftakeppnin um Aflraunameistara Íslands fer fram á Akureyri laugard.20 júní.  Byrjað er kl.12.00 út á flugvelli og kl.14.00 í miðbænum.Nokkrir miklir molar hafa helst úr lestinni vegna álags og meiðsla enda  verður þetta þriðja kraftakeppnin á klakanum á einni viku í miðri fjármálakreppu!  Hinn frægi páverkappi Sigfús Fossdal mótshaldari mun samt stilla upp þótt hann sé ekki í toppformi. Nokkrir efnilegir molar munu þarna vera með og lítur keppendalistinn svona út:

1 . Jón Þór Ásgrímsson
2. Sigfús Fossdal.
3. Úlfur  Orri Pétursson.
4. Árni freyr Stefánsson.
5. Hallgrímur Pálmi Stefánsson.

Greinanar verða:
Flugvéladráttur 25m á tíma
Super yoke ca 280kg 30m
Drumbalyfta 100kg á reps
Bændaganga 50m á tíma
Fingal finger á tíma….

Stefán Sölvi Pétursson aflraunameistari

Þær fréttir voru að berast í hús að Stórskjóðan Stefán Sölvi hefði unnið kraftakeppnina um Sterkasta mann Íslands  2009 eftir harða keppni við ýmsa mola og þá sérstaklega fyrrverandi handhafa Kristinn boris sem aldrei gefur neitt eftir fyrr en í fulla hnefana. Heildarúrslit birtum við síðar en Kraftaheimar óska Stebba hrikalega til hamingju með að vinna þennan titil í fyrsta sinn og erum sannfærðir um titlarnir eiga eftir að verða fleiri á komandi árum!

Vefsíðan ironmind.com segir frá sigri Stórskjóðunnar: HÉRNA

Ingvar Ingvarsson fagnar sigri á HM í bekkpressu öldunga í Vínarborg 2008

Undirbúningi Metalmola fyrir Evrópumótið í Amsterdam 26-28 júní er nú að ljúka með ágætum topplyftum. Í gær t.d. tók Palli Patrópáver 3 bætingar á bekknum: 125-130-135 allar með stoppi niðri en þó lyftist musinn aðeins með 135 enda þreytu farið að gæta sem eðlilegt er…Hemmi tók 200 og lét það nægja og Masterinn tók örugglega 185kg en rétt missti 195kg…

Ingvar ringo skrapp síðan til Akureyrar á slóðir Fjósans og tók vel á því…Fullt af toppliði var í Jötunheimum þegar Ingvar toppaði og voru þarna til aðstoðar m.a. Ingibjörg skyrfrú og Elvar Óskars. Rúnar fjósi sjálfur sá  síðan um að rétta á Ringo..Eftir að kappinn hafði tekið 235 fór hann í 253kg ..(sálfræðilegt því núgildandi Evrópu og heimsmet er 252,5kg í aldursflokki Ingvars 45-49 ára í 110kg flokki)…Þessi lyfta tókst með ágætum í hrikalega góðum anda og má sjá myndband: HÉRNA

Ingvar á fjórhjóli í glettilegum félagsskap Metalmola hjá Mótormax