Kraftaheimar.net

Guttormur fýldur en flottur

Þá er skráningu lokið á fyrsta Minningarmótið um nautið Guttorm sem er eitt frægasta naut í sögu landsins ásamt Þorgeirsbola heitnum. Guttormur lést tæplega 13 vetra gamall og var mörgum börnum og búandi harmdauði. Mótið fer fram í Húsdýragarðinum laugardaginn 5 júlí kl.14.00. -  ÍKF METAL heldur mótið og verður keppt í bekkpressu og réttstöðulyftu.

Viktun keppenda fer fram á föstudag á milli kl.18.00 -19.00 í Silfursporti.

KEPPENDUR:

Kvennaflokkur:
———————–
60kg./

Sólveig B Ásgeirsdóttir

90kg./

Ragnheiður M Jóhannesdóttir

KARLAFLOKKUR:
————————
75 kg. /

Adam L Fannarsson

82,5kg./

Friðrik Örn Sigurðsson

100kg./

Valdimar R Valdimarsson
Sigurjón Ólafsson

Björn Friðriksson

Páll Árnason

110kg./
Bjarki Ólafsson

Benjamín Þorgrímsson

125kg./

Jón Þór Ásgrímsson

-140kg./

Úlfur Orri Pétursson

+140kg./

Ásbjörn Ólafsson

Þórshöfn á Langanesi - Þar eru margir með sanna kraftadellu

ÍKF METAL mun koma að keppninni um Langanesvíkinginn sem fram fer á hátíðinni Kátum dögum á Þórshöfn dagana 17-20 júlí. Formaður Metal Jóhanna Eiríksdóttir og Ingvar ringo munu skipuleggja keppnina í ár en Ingvar sá að mestu um keppnina í fyrra sem var sú fyrsta sinnar tegundar. Íbúar þorpsins eru stórhuga með því að fá öflugasta páverfélag landsins í lið með sér og ætla að hafa þetta árlegan viðburð í framtíðinni.

Ýmsar harðgerðar konur tóku á því í fyrra við miklar vinsældir

Hver verður sterkasta kona Þórshafnar 2008?….Það kemur í ljós!

Kunnir sjógarpar úr þorpinu munu reyna við 200kg í réttstöðu..það munaði litlu í fyrra…

Langanesvíkingurinn verður án efa ein skemmtilegasta kraftakeppni ársins. Kraftaheimar munu fylgjast með og birta úrslit ofl.

Metalhópurinn ásamt sendiherrahjónum Íslands í Ottawa á tröppum sendiráðsins

-

Valdi bolla, Jóhanna Silfurskotta og Ingvar ringo í góðum veislufíling

-

“Tískuslysið” (rauði Hótel Borg jakkinn) við flottustu ljósakrónu Ottawaborgar

-

Tvö glettileg…Sunna Hlín og Völundur ofsi

-

Kerfismolinn ræðir mikilvæg bankamálefni við konsúl Íslands

-

Tvær fagrar. - Adda og Jóhanna í sínu besta skarti

-
Silfurskottan missti súkkulaðimola niður í glæsiskoruna í flegna kjólnum… Hún lenti í basli við að ná súkkulaðinu þaðan. Sir Cat sagði við Tvisterinn að það væri varaformannsins að bjarga formanninum úr svona klípu en hann varð hinn vandræðalegasti og þorði ekkert að aðhafast…

-

Sunna og Ingibjörg ræða næstu beygjuæfingu….

-

Fjölli tvister sagði Öddu gamla kattarsögu til að hressa ungfrúna

-

Gestgjafarnir, Hr. Markús Örn og eiginkona hans

-

Dóri driver og Helga eiginkona Kerfismolans.

Einhver útlendingur í boðinu hélt að Dóri væri Magnús Ver og kynnti hann þannig fyrir konu sinni. Eftir það var Dóri kallaður Litla-Verið af hópnum það sem eftir lifði ferðar.

Fermeterinn útskýrir fyrir einhverjum frægum diplomat hvað bekkpressa án slopps sé…

-

Þessir Metalmolar voru til sóma hvað klæðburð varðar í sendiráðinu..Frikki þó skör ofar…

-

Ofsinn var flottur með sendiherrahjónunum

-

Sir Cat hélt sig að mestu við djúsinn í veislunni..Flottur lampi í baksýn…

-

Verðandi Evrópumeistarar í páver

-

Ritstjórar Kraftaheima spá í spilin

-

Kerfismolafrúin dró að sér diplomata í stórum stíl

-

Danni var góður á mikilvægri stundu

-

ÍKF METAL: Sómi Íslands sverð og skjöldur

Flestar þessara mynda tók Sunna Hlín. - Fleiri myndir væntanlegar á næstunni

Skyrhöfðinginn kláraði dæmið í Þýskalandi

Akureyringurinn Sigfús Fossdal náði glæsilegum árangri á Evrópumóti WPF alþjóðasambandsins í Forchheim í Þýskalandi í dag. Hann sigraði í þyngsta flokknum +140kg og setti heimsmet í samanlögðu. Sigfús tók tölurnar: 380-300-340-1020kg.! Þar með hefur hann sett aftur fyrir sig nokkrar frægar gamlar kempur hér heima eins og t.d: Hjalta Úrsus (1017,5kg) og Magga Ver (1015kg). Beygjan með 380 var nokkuð létt í 3 tilrauninni og samkvæmt Skyrfrúnni þá hefði bóndi hennar átt séns í 400 á þessum degi. Sigfús tók 300 örugglega í fyrstu tilraun á bekk en klikkaði tvívegis á 305 þar sem seinni lyftan fór upp en var dæmd af 1-2 nokkur óheppni þar. 1020kg total er frábært á svona stórmóti og óska Kraftaheimar kappanum til hamingju með Evrópumeistaratitilinn og þeim skyrhjónum báðum sem eru ÍKF METAL og Íslandi til sóma.

Ingibjörg Óladóttir eða Skyrfrúin eins og hún hefur verið nefnd varð Evrópumeistari EPC (Evrópuarms WPF) í +90kg flokki kvenna í dag.

Ingibjörg og Sigfús pössuðu sig á því að mæta nokkrum dögum fyrir mót á mótsstað til að geta látið alla ferðaþreytu líða úr sér.  Það plan gekk upp fyrir Ingibjörgu og gott betur!  Hún tók seríuna 165-100-180 = 445kg total

Hún setti heimsmet í hnébeygju í aukatilraun, 170,5kg og 180kg deddið var líka heimsmet.  Í þriðju tilraun í deddinu reyndi hún við 192,5kg til að taka líka total metið og fór það upp fyrir hné en hafðist ekki alveg.

Kraftaheimar óska Ingibjörgu innilega til hamingju með glæsilegan árangur, met og titla!

Ingvar ringo og Jóhanna silfurskotta formaður ÍKF METAL á óðalsetri Ofsans í Kanada

-
Ritstjórn Kraftaheima sem tók þátt í hinu ógleymanlega Kanada ævintýri hins Íslenska Kraftlyftingafélags Metal vill koma á framfæri sérstökum þökkum til eigenda Silfursports þeim Jóhönnu Eiríksdóttur og Ingvars Ingvarssonar.

Þau tvö lögðu mest af öllum til hins mikla undirbúnings hér heima til þessar farar. Að öllum ólöstuðum var Silfurskottan þó duglegust allra af þeim sem hjálpuðust til í góðum anda að gera þessa för mögulega. Fullt af kosnaði við gerð glæsilegs fána og fleira eins og fría ferð fyrir Sunnu Hlín hirðljósmyndara og kvikmyndatökumanns tók Silfursport á sig og margt fleira og ber að virða það og þakka ekki síður en frábæra gestrisni og aðstoð alla frá Völundi ofsa. ÍKF METAL er hvergi hætt á toppnum og mun í framtíðinni skipuleggja fleiri páver ævintýri í þessum stíl.