Kraftaheimar.net

Kristinn boris og Stebbi stórskjóða

Það verða mikil hátíðahöld um land allt í tilefni sjómannadagsins (sunnudagur) og þrátt fyrir væntanlega rigningu í Reykjavík munu þeir kraftakappar Boris og Stórskjóðan taka þátt í þessu öllu. Almenningi gefst þá m.a. kostur á því að fara í sjómann við þá félaga og svo kannski jafnhenda þeir fagrar meyjar og fleira tilfallandi.

Myndin sem hér fylgir er einmitt táknræn fyrir það að í næstu kraftakeppni 16-17 júní hjá Dúdda Ferg munu þessir tveir yfirmolar berjast hvað mest um titilinn Sterkasti maður Íslans…Ef Stebbi vinnur þá keppni, sameinar hann titlana tvo fyrstur manna þar sem hann vann á dögunum IFSA keppnina hjá Verinu. Ef Boris vinnur,verða þeir auðvitað að mætast aftur í endanlegu uppgjöri…. Spennandi kraftasumar er hafið…

Séra Gunnar beygjir 200 í 2.tilraun

Beygjan með 210 var einnig örugg og er myndband af henni: HÉRNA

Réttstaðan hjá Kraftaklerkinum var góð og má sjá 250kg lyftuna: HÉRNA

Eins og fram hefur komið í fyrrir grein Kraftaheima um mótið þá fór Gunnar einnig upp með 260kg en sú lyfta var dæmd af. Eftir myndbandinu að dæma þá sígur stöngin aðeins niður aftur á einum eða tveimur stöðum en Gunnar virðist rétta vel úr sér þrátt fyrir að einn dómarinn taldi að svo hefði ekki verið. Myndbandið er: HÉRNA

Að lokum er nauðsynlegt að menn sjái hversu vel finninn Teijo Mathlin lyftir en við lítum á bætinguna hans í beygjum með 200kg: HÉRNA

Þessi skemmtilegu myndbönd eru fengin að láni á bloggsíðu Kraftaklerksins og eru þar fleiri myndbönd af bæði Gunnari og hinum prestunum: HÉRNA

Verðlaunaafhending keppninnar í Digranesi

Séra Gunnar Sigurjónsson - Sterkasti prestur heims!

Fyrstu fréttir af keppninni um titilinn Sterkasti prestur í heimi. Keppnin fór fram í Digranesi í dag og bíðum við eftir myndum frá þessari skemmtilegu keppni. Skólahljómsveit Kópavogs lék við kynningu og bæjarstjórinn Gunnar Birgisson hélt setningarræðu.

Það er ekki að orðlengja það en Séra Gunnar vann allar greinarnar og bætti sig hrikalega og tók múrinn 600kg í samanlögðu! Annar varð finninn Teijo Mathlin með 532,5kg. Daninn Östergard varð þriðji en hann keppti aðeins í bekknum.

Kraftaklerkurinn sem viktaðist 120kg tók flotta seríu í beygjum þar sem hann fór með allar lyftur gildar þrjú hvít: 185-200- 210kg! og átti eitthvað inni. Bekkurinn gekk ekki eins vel en þar tók Gunnar 130 -140 og klikkaði síðan á 145 fremur naumlega. Torkennileg meiðsli á öxl hafa aðeins verið að stríða honum þar undanfarið. Þegar komið var að deddinu var nokkuð ljóst að byrjunarþyngdin með 230kg myndi tryggja honum sigurinn og það fór skítlétt. Þá hrópuðu hinir 100-200 áhorfendur allir sem einn á Kraftaklerkinn þegar hann óð í 250kg! og tók hann þá þyngd glæsilega og 600kg í samanlögðu. Í síðustu lyftu fór Gunnar einnig upp með 260 í ævintýralegri lyftu þar sem hann streðaði endalaust undir hvatningarhópum allra í salnum…. Því miður sáu hinir ágætu dómarar eitthvað athugavert við lyftuna og dæmdu hana ógilda.

Séra Teijo Mathlin

Finninn Séra Teijo Mathlin sem viktaðist 100kg þungur,nokkuð hávaxinn og vel stæltur, lyfti sérlega glæsilega og tæknilega og var gaman að sjá hversu vel skólaður hann er af afburða þjálfara greinilega. Teijo veitti Gunnari harða keppni í beygjunum en var full varkár á byrjunarþyngdina en hann bætti sig um 20kg og fór með allar beygjur í gegn: 160-180-200kg og átti inni. í bekknum tók hann: 120-127,5 og klikkaði síðan á 135kg. Bekkurinn í keppninni var tekinn á kjötinu. Deddið var þannig að Teijo tók: 190-205kg en fékk bætinguna 215kg ógilda. 532,5kg total var engu að síður bæting.

Séra Kristian Östergard

Daninn Kristian Östergard sem var aðeins 67,5kg þungur tók á bekknum: 100-105kg en klikkaði síðan á bætingunni 115kg. Stíllinn hjá honum er svona frjálsíþróttastíll þar sem stöngin fer of nálægt hálsi og fullt af vöðvum virka lítið í hreyfingunni. Einnig er Östergard einfættur og háði það honum að því er virtist í fótastöðunni og í spennunni. Engu að síður gott hjá honum að mæta og keppa gegn hinum jöxlunum.

-
Dómarar voru: Magnús Ver Magnússon, Fjölnir Guðmannsson og Helgi Hauksson sem yfirdómari. Stangarmenn voru: Valdimar kerfismoli, Ingvar ringo og Gunnar Freyr master. Hnébeygjuvefjari var Flosi Jónsson og ritari var Jóhanna Eiríksdóttir. Kynnir: Kári magister. Gamla kempan Óskar Sigurpálsson kom einnig að og veitti ýmis ómetanleg ráð. Athygli vakti að þeir kraft menn sem höfðu sérstaklega óskað eftir því að starfa við mótið og lofað því reyndar, mættu ekki að undanskildum Helga Haukssyni sem stóð sig með prýði. Mótshaldari var stöðin NAUTILUS og afhenti eigandi stöðvarinnar frá Svíþjóð verðlaun keppninnar.

Það þarf styrk og jafnvægi í svona lagað drengir mínir!

Þessi óvenjulega mynd hér fyrir ofan er reyndar ekki af Ásbirni Ólafssyni heldur af mögnuðum náunga sem á fullt af metum í Guinnes heimsmetabókinni….

Ásbjörn sem gengur undir nöfnunum Bubbi, Ási og Flæðilurkurinn er í hrikalegu formi þessa dagana og mun vefurinn birta mynd af honum í átökum um leið og okkur berst mynd af kappanum. Á mánudaginn deddaði hann 10kg bætingu með 290kg! Í gær mætti hann galvaskur í Silfrið með æfinga fóstbróður sínum Úlfi Orra súperfjósa og fór svo sannarlega mikinn á bekknum í kraftahorninu. Fyrst tók Ásbjörn 210×2 niður á búkka og síðan 220×1 þannig. Þá tók hann gersamlega gilda lyftu niður á kassa með 220×1 og jafnaði sitt besta. Þá var farið í 230 og það gekk líka í fínni lyftu 10kg bæting!… meira að segja Helgi Hauks gaf nokkuð góða einkunn á þessa lyftu! Að lokum reyndi kappinn við 240 en það mistókst naumlega…239kg hefði farið sögðu sumir…En þetta kemur allt…ekki með kalda vatninu,  heldur með hrikalegum æfingum í Silfursporti…..

Séra Teijo Mathlin Finnlandi

Þessi prestur er kornungur á Gunnars mælikvarða eða um 37 ára og býr og starfar í Helsinki. Teijo hefur ýmsar doktorsgráður á vitræna sviðinu og er giftur og tveggja barna faðir. Hann stundar margar íþróttagreinar í frístundum og er glettilega fjölhæfur. Stundar sem sagt: páver, fótbolta, skíði, íshokkí, hjólreiðar, ofl. Hvað páver varðar keppti hann í fyrsta og eina sinn í desember 2007 og tók þá tölurnar: 180-140-210-530kg. Bekkurinn með 140 var að vísu í slopp. Kappinn æfir í löggugymi og keppti þar. Okkar Kraftaklerkur keppti einmitt hjá löggum fyrir stuttu síðan. Prestarnir þurfa auðvitað alltaf að vera að biðja fyrir löggunum eftir að bófarnir hafa lamið þær sundur og saman. Það verður fróðlegt að sjá á föstudag hversu mikið Teijo hefur bætt sig síðan í desember. Þessir finnar eru harðir naglar og má búast við öllu….

Séra Kristian Östergard Danmörku,

Klerkur þessi kemur frá bænum Soro í Sjálandi þar sem hann sér um liðið á guðlega vísu. Hann er giftur og á tvö börn eins og finninn Teijo en þeir báðir eru svona hálfdrættingar á við Kraftaklerkinn á því sviði og gefur það kannski tóninn fyrir keppnina á föstudag. Krisatian er um 36 ára gamall og er talsverður spekingur og grúskari eins og margir klerkar. Hann hefur t.d. skrifað 100 greinar um trúmál í hin og þessi blöð og tímarit. Einnig hefur hann nýlega gefið út bók eftir Sylvester Stallone sem heitir eiithvað: “HVERNIG SKAL ÆFA SEM ROCKY OG RAMBO” Fyrirmynd Kristians í líkamlegum efnum er einmitt sjálfur Stallone...Því miður getur Kristian ekki keppt í öllum greinum pávers þar sem hann er einfættur. Guðsgreinin er hinsvegar til staðar fyrir hann og mun hann keppa á föstudag í bekkpressunni…Kristian hefur gripið í lóð í 10 ár sér til heilsubótar en hefur mest æft hallandi bekk þar sem hann á best 110kg. Það kemur núna í ljós í prestakeppninni hvað hann tekur í guðsgreininni sjálfri….

Kári magister á sjúkrabeði 19 mars 2008 á Sankti Jósefsspítala

Það er alltaf slatti af velhugsandi fólki sem er að spyrja Magister og vini hans og ættingja að því hvernig hann hafi það? , eftir að Doktor Ágúst Kárason krukkaði í karlinn á vordögum og tengdi aftur eina sin af tveimur slitnum í hægri öxlinni. Doksi lagfærði einnig ýmislegt annað óhrjálegt á því svæði eins og hægt var en hin slitna sinin var alveg haugamatur. Magister var á vappi í 5 vikur með fatla og stóð ekki í því veseni að fara í sjúkraþjálfun hjá einhverju liði sem veit ekki hvað páver er…Öll endurhæfing hefur farið fram niður í Silfursporti eftir eigin höfði Magisters og gengið mjög vel….

-

Sankti Jósefsspítali í Hafnarfirði

-

Um kvöldið eftir aðgerðina kom Gunnar master í heimsókn og tók nokkrar myndir

Þegar Magister mætti til uppskurðarins spurði hjúkka að því hvort hann hefði ofnæmi fyrir einhverju?..Þetta var einföld spurning og svaraði Magister eftir því: “Ég hef bara ofnæmi fyrir máttlausu liði”

-

Mynd tekin 19 maí 2 mánuðum eftir uppskurð…Dedd-sáluhjálpin komin í gang….

Það er engin bekkpressa í nándinni og óljóst hvort það verði að viti gert framar. Aftur á móti er stefnt að því að keppa í deddi á Heimsmeistaramóti WPF sambandsins í Austurríki í nóvember ásamt slatta af gæðamolum úr Metal….

CN turninn er stærsta bygging heims og 153 hæðir takk fyrir!

Það styttist óðum í ótrúlegustu páverferð allra tíma á klakverja vísu. Lagt verður af stað til Kanada 13 júní á vegum ÍKF METAL en Landskeppnin við Kanada fer fram í Ottawa. Það verður ýmislegt farið í ferðinni utan lyftingapalls og m.a. stendur til að skoða CN turninn í Toronto sem er stærsta bygging heims að flatarmáli og ein sú allra hæsta líka. Myndin hér að ofan gefur innsýn í það þegar menn sjá þarna aðra skýjakljúfa langt fyrir neðan.

Venjulegt fólk sést hér við CN turninn

Að ferð lokinni munum við að sjálfsögðu birta myndir af Metalmolum við bygginguna…..METAL HUGSAR STÆRRA!