Undirbúningur Versins fyrir páverveturinn gengur eftir áætlun og í gær tók hann Skyra Fúsdal á beygjulista Silfursports þegar hann beygði 300×2…og átti inni…Kappinn hefur nú farið í 2-3 hnjáaðgerðir í gegnum tíðina svo hann fer sér að engu óðslega því hans tími kemur…aftur! Verið er nú á fullu í undirbúningi fyrir stofnun hins nýja kraftlyftingafélags/sambands ásamt þeim Jóhönnu silfurskottu og Magister ofl. en formlegur stofndagur verður auglýstur fljótlega, Það félag verður jákvæð tímamót fyrir páverinn í landinu einmitt núna þegar þarf að gera eitthvað, þegar KRAFT er byrjað að deyja drottni sínum undir klíkustjórn, launráðum og Júdasar-heilkennum….
Share on Facebook
Archive for November, 2007
Hermann Hermannsson Hemmi málari varð stigahæstur á Íslandsmóti KRAFT í réttstöðulyftu um síðustu helgi. Hann varð jafnframt meistari í 90kg flokknum með persónulegu bætinguna 307,5kg. Hemmi sigraði einnig tvöfalt á þessu móti í fyrra en þá tók hann 302,5kg. (Myndina hér fyrir ofan tók Sleifur á mótinu 2005 þegar Hemmi varð að sættast á silfrið í baráttu við Jón bónda) Kappinn varð fyrst réttstöðumeistari árið 2002 en þá tók hann 275kg í 90kg flokki.Síðan vann hann gull á mótunum 2003 og 2004 og tók 300kg á báðum mótunum í 100kg flokki… Bætingarnar hafa komið hægt síðan þá en koma samt! Hermann Haraldsson Þeir fóstbræður úr eyjum Hemmi Haralds og Jóhann Gíslason mættu í Silfrið í vikunni með bysepinn spenntan á bekkæfingu dagsins þar sem þeir repsuðu tilveruréttinn á kjötinu. Þeir félagar hafa verið virkir keppnismenn meira og minna frá því á áttunda áratug síðustu aldar en þeir byrjuðu kornungir að lyfta og keppti t.d. Jói í bæjakeppni á milli Akureyrar og Vestmannaeyja árið 1978 eða 1979….Allt kraftastúss hefur nú lognast útaf í eyjum og þeir fóstbræður löngu flúnir í menninguna á fastalandinu. Hemmi hefur fyrir utan lyftingar og páver keppt nokkrum sinnum í kreppunni. Báðir eiga þeir yfir 200 á bekk. Hemmi 205 í 100kg flokki og Jói 202,5kg í 125kg flokki. Þessum þyngdum náðu þeir fyrst þegar þeir urðu öldungar sem sýnir að þolinmæði og þrautseigja er það sem gildir…
Vestmannaeyjar
Svavar Már Einarsson Bikarmót IFBB í vaxtarrækt fór fram um síðustu helgi. Heildarsigurvegari í karlaflokki varð Ísfirðingurinn Svavar M Einarsson fyrrverandi páver og aflraunamaður. Hann vann til margra verðlauna í þeim íþróttum á sínum tíma og varð t.d. Íslandsmeistari í 110kg flokki í pávernum árið 1999 með tölurnar: 330-195-315-840kg. Í kreppumótinu núna urðu allir sammála að Svavar hefði haft nokkra yfirburði yfir þann sem varð í öðru sæti en það var gamla kempan Siggi Gests hnútur sem enn er í fremstu röð hér á landi þrátt fyrir háan aldur. Kraftaheimar óska Tanknum til hamingju með þennan glæsilega sigur!…Við minnum á skemmtilega sögu af kappanum hér á vefnum sem heitir HÆTTULEGUR ÆFINGAANDI - HÉRNA
Bráðlega dettur inn á síðuna viðtal við Stefán Sölva Pétursson, sem einnig er þekktur sem Stebbi Stórskjóða! Stefán var lengi vel talinn einn efnilegasti aflraunamaður landsins, en eftir IFSA heimsmeistarakeppnina hér á klakanum 2006 voru flestir búnir að átta sig á því að hann er miklu meira en efnilegur! Drengurinn er hreinlega orðinn aflraunamaður á heimsmælikvarða sem hefði velgt Virastyuk, Koklyaev og Savickas undir uggum á heimsmeistarakeppninni 2007 ef ekki væri fyrir slæm meiðsl á bicep í vor. Stórskjóðan er þó óðum að ná sér og kemur betur í ljós í viðtalinu hvernig formið á honum er og hvert hann stefnir í framtíðinni! Til að komast á listann þarf ritstjórn kraftaheima (Magister, Tvister), Ingvar Frískleikakonungur eða Valdi Borgarnesbolla að vera vitni að lyftunni og miðast listinn við lyftara sem æfa reglulega í Silfursporti. Framkvæmd lyftu miðar við kraftlyftingareglur sem má finna á heimasíðu KRAFT Þar til 20 manns eru komnir á lista í hverri grein eru lágmörk eftirfarandi: Hnébeygja: 170kg Bekkpressa: 120kg/150kg í slopp Réttstöðulyfta: 200kg
Munið að láta vita áður en þið farið í lyftur sem þið viljið sjá á listanum þannig að við getum fylgst með og staðfest lyfturnar! Þegar við getum reynum við líka að taka video af lyftunum (þá er hægt að blikka á þyngdina og sjá lyftuna). Nýjar lyftur á lista eru feitletraðar. Fréttastofunni barst mynd af alveg yfirgengilegum bicep á dögunum.
Nú er spurningin hversu glöggir lesendur kraftaheima eru… Hvaða Íslendingur á þennan hrikalega handlegg?
Ari Trausti Guðmundsson Í Fréttablaðinu í gær er grein um þennan kunna fjallagarp og jarðeðlisfræðing sem varð fyrst frægur með þjóðinni sem veðurfræðingur í sjónvarpi. Í Fréttablaðs greininni kemur fram að Ari Trausti hefur lyft lóðum sér til heilsubótar í 25 ár. Starfsþrek hans sem og allt líkamlegt atgjörfi hefur aukist verulega með lóðaþjálfuninni. Hann æfir að meðaltali tvisvar-þrisvar sinnum í viku í Silfursporti. Félagsskapurinn finnst honum góður og telur Ari að það sé jafnt nytsamlegt að lyfta og að borða…Kappinn stefnir að góðu fjallaklifri á næsta ári og ætlar þá að fást við eitthvað hrikalegt fjall sem verðuga áskorun… |
|
Entries (RSS)