Kraftaheimar.net

Ingvar Ingvarsson “ringo” var hrikalegur

Minningarmótið um Ólaf Sigurgeirsson fór fram í dag og voru nokkur Íslandsmet á kjötinu sett í bekkpressu. Ingvar ringo sigraði í 110kg flokki og setti nýtt Íslandsmet á kjötinu (án útbúnaðar) með því að taka 215kg. Þetta nægði honum til að vinna stigabikar mótsins en helsti keppinautur Ingvars um stigabikarinn Jón B Reynisson varð naumlega annar en hann sigraði í súpernum með 225kg en Benni rétt missti 230kg í sinni síðustu tilraun en áhorfendur höfðu sérlega gaman af því að sjá þessa hrikalegu breiðsíðu birtast á sviðinu. Heiðar Geirmundsson varð annar í súper með 200kg og Skyri Fossdal þriðji með 190kg og Big G fjórði með 170kg. 125kg flokkinn vann tvíburaturninn Guðjón Hafliðason með 160kg en þetta var hans fyrsta mót. Ingvar Andri Egilson setti Íslandsmet í 75kg flokknum þegar hann sigraði með 115kg lyftu sem var glettileg. 4 konur mættu til keppni og var María títla þeirra best eins og viðbúið var og setti hún Íslandsmet í 75 með því að taka 91kg en hún fór með allar lyftur í gegn og vann kvennabikarinn. Margir frægir og aldnir kappar tóku heiðurslyftu en þar mátti t.d. sjá Skúla Óskarsson,Bjarka geysi,Jón bónda, ofl. Nokkuð margir áhorfendur mættu í fremur þröngt húsnæði hjá Bifreiðum og Landbúnaðarvélum og urðu margir að hverfa frá þar sem þeir sáu ekkert hvað fram fór. Það var eiginlega það eina leiðinlega við annars vel heppnað mót með athyglisverðum kynni….

Við birtum kannski síðar myndir frá mótinu ef okkur berast þær en annars var hin undurfagra Sunna Hlín á svæðinu og hefur örugglega tekið fínar myndir sem munu birtast á vefsíðu hennar en úrslitin fara að detta inn á kraft.is heildarúrslit komin HÉRNA

Guðmundur Erlingsson

Gumma handlegg leiddist meðalmennskan og andleysið um daginn og ákvað í vikunni að skella sér í raunveruleikann í Silfursporti..þar sem ANDINN og BÆTINGARNAR eiga heima…Það er ekki að orðlengja það að kappinn tók guðsgreinina í botn og endaði á 180×3! Greinilegt að hann er upp á 200 á bekknum á kjötinu og synd að hann sé ekki með á Fógetamótinu á morgun. En svona er þetta..menn verða að æfa í réttum stöðvum til að fá í sig hinn sanna KEPPNISANDA…Ef Handleggurinn fer að æfa reglulega í Silfursporti er nokkuð ljóst að hann kemst fljótlega þar á topp 3 á afrekslistanum í bekknum…

Gummi segir frá æfingunni í Silfursporti á heimasíðu sinni HÉRNA

María Guðsteinsdóttir

María títla tók fína bætingu í beygjum í vikunni í Silfursporti þegar hún beygði 180kg! Þetta er 5kg bæting á hennar besta en eins og sagt hefur verið hér frá áður er daman nú undir toppleiðsögn hjá Bóndanum. Einnig sloppaðist Títlan á bekknum og tók þar bætinguna 112,5kg! Það má segja að hér sé um sérstaklega góðar og eftirtektaverðar bætingar að ræða þar sem María vegur nú aðeins um 69kg en hún er að tækniskafa sig ofan í 67,5kg flokkinn fyrir HM í páver í Austurríki um miðjan næsta mánuð.

HEIMASÍÐA HM Í PÁVER 2007 IPF

MINNINGARMÓTIÐ UM ÓLAF SIGURGEIRSSON FER FRAM Á LAUGARDAGINN

Mótið fer fram 29. september í húsnæði Bifreiða og
landbúnaðarvéla, Grjóthálsi 1, EFRI HÆÐ.

Vigtun er kl.12:00 en mótið hefst kl.14:00

Skráðir keppendur eru 24 talsins en 20 eru í karlaflokki en 4 í kvennaflokki. Í karlaflokki vekur mesta athygli endurkoma Jóns B Reynissonar eða Big Ben eins og hann hefur verið kallaður í seinni tíð. Hann toppar Silfursportlistann á bekknum og verður ógnvænlegur í súpernum þar sem hann mætir ungstirninu Skyrfúsi Fossdal og öðrum endurkomu mola Grétari Big G. Heilir 5 molar eru svo skráðir í 125kg flokkinn en þar er feikna öflugur Heiðar Geirmundsson en Heisi hefur hug á því að taka þyngdir langt yfir 200+..Þar mætir einnig kunnur hirðmoli Dúdda Fergs kraftakappinn Orri Geirsson sem hefur farið mikinn á kraftamótum Dúddahirðarinnar s.l. 2 ár. Frískleikakonungurinn Ingvar ringo er sigurstranglegur í 110kg flokknum en hann mun mæta öðrum frískum náunga Ólafi Val Guðjónssyni sem gefur aldrei tommu eftir. 100kg flokkurinn skartar bekk-stílistanum að norðan sjálfum Rúnari Friðrikssyni fjósa sem mætir aðeins á mót í toppformi en með honum í flokki er m.a. Svavar Hlöllahlúnkur og annar geðbróðirinn Sigurjón miðnæturdeddari og fleiri kappar. Í 90kg flokki er skráður til leiks sigurvegari fyrsta Fógetamótsins Brynjar Karl Guðmundsson en óljóst er um form Binnstersins að þessu sinni. Í kvennaflokki fer fyrir fríðu liði væntanlegur HM fari María Guðsteinsdóttir títla sem reynir örugglega við Íslandsmet….

Þá er bara að mæta og sjá skemmtilegt mót þar sem hrátt aflið ræður en engir súpersloppar…

KEPPENDALISTI

Páverfélagarnir Magister og Prelli algerlega með vitið í vöðvunum undirbúa mikilvægar pósur

Kári magister pósar í Fresno í Kaliforníu

Prjónninn hrikalegur… herbergisfélagi Magisters í Kaliforníuferðinni

Ingvar Ingvarsson ringo

(ljósm.Sleifur)

Ringoinn er þrusuhress þessa dagana sem endranær og tekur á því út um víðan völl…Kappinn tók í vikunni 210×1! á bekknum á ketinu í Silfusporti en annars tekur hann æfingar hér og þar sem hann er staddur í vinnu út á landi við að berja sundur og saman eitthvað járnadrasl. Þessi 210kg bekkur mun staðfestast á næstu listauppfærslu en gaman verður að sjá frískleikakonunginn á bekknum núna laugardaginn 29. september á Minningarmótinu um Ólaf Sigurgeirsson (Fógetamótið)

Þessi straumlínulagaði Ford sportari er nýjasta kerran í bílaflota Völundar Þorbjörnssonar

Á milli þess sem Ofsinn dreymir um það á búgarðinum í Ottawa í Kanada að taka aftur 200 á bekk með öllum slopparáðum þá þeysist kallinn um landareignina á glæsibílum og athugar hvort vinnumennirnir hafi neglt alla staura vel niður fyrir veturinn.

Eins og sést er Fordvélin a.m.k.8 strokka og 900 kúbik upptjúnuð í æðra veldi…

Ekki fara neinar sögur enn af bjarnaveiðum Ofsann um hálendi Kanada en þó náði hann um daginn þessari mynd af hættulegum húni…