Kraftaheimar.net

Jóhannes Eiríksson að undirbúa næstu miðbæjarferð í Reykjavík

Nú er sumarið komið og menn farnir að íhuga hvert á að fara í sumarfríinu. Eins og kunnugt er bjó Kári magister í 13 ár á Akureyri og lyfti þar nokkrum tonnum á þeim tíma en minningar hans þaðan bíða betri tíma. Akureyri er fagur bær og margir ferðast þangað. Vefstjóri vor Omegakrafturinn skrifaði einu sinni stutta ferðasögu um ferð sína í bæinn og verður hún næsta Saga Mánaðarins…..FYLGIST MEÐ!….

-
KRAFTAHEIMAR - ÞAR SEM HETJUR ERU Í HÁVEGUM HAFÐAR!

Stefán Sturla Svavarsson. Mynd reyndar tekin í Steve Gymi

-
Menn hafa verið að spá í hvað Spjótinn er að gera um þessar mundir hvað páverinn varðar. Fréttastofan náði nýlega tali af kappanum sem æfir á fullu í Orkuverinu sem margir kalla einfaldlega Goggagym og svaraði Spjóti því til að hann væri að bekkjast á að fullu en játaði því að hann nennti lítið að taka á því í aðalgreininni deddinu sjálfu…Hann er að repsa 170 í bumbubombi núna og er að stefna á Héðinsmótið í bekkpressu sem verður haldið í júlí en staðsetning er ekki alveg komin á hreint en verður auglýst fljótlega á KRAFT.IS

Alveg eins og Sleifur Kvennahreifur hérna heima eru léttir menn úti í löndum sem taka yfirþyngdir á bekk og jafnvel meira flæðimolar í yfirþungavigt. Scott Sceppe er einn þeirra, en hann setti alveg hrikalegt met á bekknum núna nýverið.

Scott Sceppe undirbýr hrikalega lyftu

-

Þessi 90kg lyftari tók 335kg og þeytti þeim upp eins og hrati!!!
Hér er video af lyftunni!

Svo skemmir sjálfsagt ekki fyrir að láta mola eins og Gene Rychlak rétta á sig, en sá kappi er með hugann við að verða fyrstur allra til að taka 500kg á bekknum. Það er svona svipað að sjá þetta eins og þegar Borgarnesbollan réttir þyngdir á Sleifinn.

Leiðrétting:  Stefán Sölvi benti réttilega á að þetta er ekki Rychlak.  Þessi yfirmoli heitir Nick Saccone og vegur 185kg með 63-65cm handleggi að eigin sögn.  Hann hefur ekki enn keppt í páver en stefnir á hrikalegar tölur þegar hann byrjar.  Munið þetta nafn, Nick Saccone!

Í kraftakeppnum falla mörg gullkorn þegar sjónvarpsmenn spyrja molana margra heimskulegra spurninga sem þá oft og tíðum örþreyttir keppendur verða að svara strax…Í gær var sýndur á RÚV þáttur um Austfjarðatröllið. Keppnisgreinar henta keppendum misjafnlega eftir líkamshæð þeirra þótt nokkuð ljóst sé að hávaxnir menn hafa nokkra yfirburði yfir þá sem minni eru. Sjónvarpsmaður gekk að bretanum Lee Bowers og sagði eitthvað á þessa leið: “Er það ekki rétt að það er stundum gott að vera lítill í þessu og stundum stór?” “jú,svaraði bretinn, “En það er alltaf gott að vera sterkur!”

Georg Ögmundsson krani

Það voru margir frískir áhorfendur að kraftakeppninni IFSA Sterkasti maður Íslands 2007 í Smáralindinni um daginn. Þeir félagar Kári magister og Baldvin bekkur stóðu spekingslegir og spáðu í réttstöðulyftuna sem var 300kg bíll á repsum og Goggi sem var í súper formi var að lyfta þegar rauðhærð miðaldra kona kemur að þeim félögum og segir: “Hann er með risastóran rass þessi sem þið kallið Gogga krana!”…Í framhaldinu lenti Goggi í erfiðleikum með að lyfta bílnum oftar en þrisvar og varð þá Balda að orði: “Það er ekki nóg að vera með stóran rass til að vera sterkur í réttstöðulyftu!”

Benedikt Magnússon alltaf hrikalegur….

IFSA kraftakeppninni um titilinn Sterkasti Maður Íslands 2007 fór fram í dag í Smáralind og eftir að ýmislegt hafði gengið á stóð Benni tarfur uppi sem sigurvegari annað árið í röð. Reyndar byrjaði Stefán Sölvi stórskjóða keppnina með hrikalegum brag þegar hann vann glæsilega sigra í tveimur fyrstu greinunum sem voru Conan Mylluganga og að jafnhenda álkubba yfir haus,en þegar hann var á góðri siglingu í þriðju greininni sem var dekkjavelta með 380kg meiddist hann á handlegg þar sem trosnaði upp úr bysep og hann varð þar með að hætta keppni.

-
Benni gaf hinsvegar hvergi eftir og varð framarlega í öllum greinum og vann m.a. Herkúlesarhaldið með yfirburðum. Þessi 160kg skjóða var greinilega í flottu formi og hafði gott úthald eins og kom í ljós í síðustu grein mótsins þegar hann lyfti létt öllum fjórum steinunum allt upp í 180kg upp á háar tunnur.

Eftir að Stebbi stórskjóða datt út var Goggi krani steinakóngur úr Orkuverinu kominn í bardaga við Benna um titilinn. Fyrir síðustu grein hafði Benni 4 stiga forskot á Gogga. Í steinatökunum fór svo Goggi á kostum og sýndi hver væri steinakóngurinn og sigraði þar og tryggði sér annað sætið í heildarkeppninni.

-
Pétur Bruno Thorsteinsson, sem deddar hér 300kg, átti góða keppni
Bruno sem var að taka þátt í sinni fyrstu kraftakeppni sýndi hörkutakta og þrátt fyrir meiðsli í hnjám kláraði hann með stæl og náði bronsinu.

Heildarúrslit koma síðar en efstu menn urðu þessir:

Jón Valgeir Williams brosir fyrir kvenþjóðina

Benedikt Magnússon tekur 440kg í réttstöðulyftu í Finnlandi 2005

Tarfurinn hefur um skeið verið að útlagast í Danmörku þar sem hann hefur æft hrikalega. Hann er nú á heimleið og mun keppa í kraftakeppninni um IFSA Sterkasta mann Íslands í Smáralindinni næst komandi laugardag. Hann mun þar lenda í hörkuslag við stórvin sinn Stefán Sölva stórskjóðu sem er á mikilli bætingabraut…Einnig hyggst Goggi steinakóngur úr Orkuverinu sauma að þeim félögum og sýna að það verður ekkert gefið…Benni tarfur sem var um tíma sterkasti deddari mannkynssögunnar á marga aðdáendur á klakanum sem bíða þess í ofvæni að sjá kappann taka á því..Svo verður fróðlegt að sjá hvort Tarfurinn muni ekki í mjög náinni framtíð ná því aftur að verða sterkasti deddmolinn sem vappar um jörð vora…