Kraftaheimar.net

-

Jón B Reynisson…Hrikalegur! ……(ljósmynd: Sunna Hlín glettileg)

-
Big Ben kom og fylgdist gaumgæfilega með átökum molanna á WPC pávermótinu um helgina. Það er aldrei að vita nema kappinn komi út úr bílskúrnum með úlfhundinn sinn og keppi í páver á árinu. Breiðsíðan eins og hann var einnig kallaður hér áður fyrr hefur gæðamassast talsvert eins og sjá má á myndinni hér fyrir ofan…

Á sama tíma og Benni breiðsíða fangaði athyglina í Smáralindinni fangaði annar Big Ben kappi athygli manna í Miami í Bandaríkjunum..Sá var heldur engin smásmíði enda var þar um að ræða yfirmáta stóran krókódíl sem ógnaði öllu lífríki í fylkinu…

Þessi Big Ben sem sagt var frá á sjónvarpsstöðinni Animal Planet er 10-11 feta langur og vigtaðist um 400kg en venjulegir krókóar eru um 200-250kg. Eftir mikinn barning var Big Ben fangaður og fluttur í einhvern þjóðgarð þar sem hann getur dundað sér við að éta aðra krókódíla sem eru að rífa kjaft og þykjast vera eitthvað…

Hið árlega Hængsmót var haldið í Jötunheimum í dag, þann 29. apríl. Fjölmennt var á mótinu þrátt fyrir að einungis 3 keppendur væru skráðir til leiks. Gríðarlegur andi var í keppendum og vildu þeir svo sannarlega sýna gestum og gangandi hverjir væru bestir hjá Eimskip og hverjir væru bestir í kerrunum hjá Rúmfatalagernum, en það var þeim mikið kappsmál að það kæmist til skila og geri ég mitt besta til að uppfylla óskir þeirra.

Ofurhundurinn Bóas Hreindal Sigurbjörnsson vigtaðist 67,5 kg

Hnébeygja -70, -70, -70
Bekkpressa 55, 60, 65
Réttstöðulyfta 135, 140, -155

Hann féll úr leik í hnébeygju, þrátt fyrir að þyngdin væri ekkert mál fyrir hann, örlítið vantaði upp á dýptina í öll skiptin, en hann lofaði að koma tvíefldur til leiks á næsta ári.

Kristján Magnús Karlsson vigtaðist 74,3 kg

Hnébeygja 70, 75, 80
Bekkpressa -60, -60, 60
Réttstöðulyfta 120, 130, -140

Kristján átt mikið inni í réttstöðulyftunni og verður gaman að fylgjast með honum á næstunni og sjá hann taka hrikalegar bætingar á næsta móti.

Kristbergur Jónsson, Túrbóinn, vigtaðist ekki nema 150,5 kg

Hnébeygja 160, -191, -191
Bekkpressa 125, -135, -135
Réttstöðulyfta 200, -217,5, -217,5

Túrbóinn reyndi tvívegis við Íslandsmet fatlaðra, +125 kg flokki, í hnébeygju og vantaði sáralítið upp á að hann næði að bæta það. Einnig reyndi Kristbergur tvívegis við Íslandsmet fatlaðra, +125 kg flokki, í bekkpressu og þar vantaði ekki andann en upp fór stöngin ekki. Í réttstöðulyftunni var hann svo stutt frá því að bæta Íslandsmet fatlaðra, +125 kg flokki, en stoppaði stöngin á hnjám.

Yfirdómari var Elvar Óskarsson, til hliðar Steini Magg og Fjósi.
Yfirstangamaður var Böðvar Jónsson og honum til halds og trausts var Ingólfur Ágústsson. Ritari og þulur var Eyjólfur Krókó Unnarsson.

(Heimild, Krókó)

Magnús Ver Magnússon

WPC Meistaramótið fór fram í dag að viðstöddu fjölmenni. Ritstjórn Kraftaheima var að sjálfsögðu á staðnum og fylgdist með því að allt færi vel fram og beygjur væru í dýpt og að menn réttu vel úr sér í deddi.

Þarna var í fyrsta skipti notaður Monolift hnébeygjustandur og voru menn almennt hrifnir af því apparati.

Besti lyftarinn á mótinu var Strongest sjálfur, sem getur víst notað það viðurnefni enn um sinn á meðal hirðmola sinna. Hann tók 350kg í hnébeygju, 250kg í bekkpressu og 352,5kg í réttstöðu sem gerði 952,5kg total í 140kg flokki, en hann vigtaðist aðeins rétt 128kg á mótsdag. Þegar fréttastofan ræddi við Verið eftir mótið sagðist hann vera ánægður með hvað það lifir lengi í gömlum glæðum! Það verður gaman að sjá hvað þessi jaxl nær að keyra sig uppí í endurnýjuðum páveranda þar sem hann er ekki heftur af fagurfræði.

Stebbi Stórskjóða tók þrjá pundamúra í keppninni og reyndi við fjórða á leið sinni að meistaratitli í 140+kg flokki. Hann lyfti 330kg í hnébeygju, 215kg í bekkpressu og 370kg í deddi sem gerði 915kg. Það er 700+ pund í hnébeygju (727) reyndi við 501 pund á bekk (227,5kg) en það fór ekki, 800+ í deddi (815) og 2000+ total (2017).

Meistarinn í 125kg flokki varð Kiddzenegger sem tók góðar bætingar, þar á meðal stórgóða bekkbætingu, 215kg, í fallegri lyftu.

Kiddzenegger á bekknum með topplyftu!

-
110kg meistari var Óli Valur sem hafði betur en Masterinn sem er þessa dagana að leggja inn fyrir bætingum sem hann ætlar að leysa út í haust. Hann beygði 230kg sem var persónuleg bæting og er að vinna í bekk og deddi, fór langleiðina með að jafna persónulegt met í deddi. Það er greinilegt að eftir að hafa fjölgað mannkyninu með stæl ætlar Masterinn að taka páverinn með stæl!

Hlöllahlúnkurinn Svavar Smára nýkominn úr kreppunni tók 100kg flokkinn en á tölunum má sjá að hann er enn ekki kominn yfir í páverformið úr kreppuforminu.

Jörgen að dedda hrikalega!

WPC menn fá góðan gest á Meistaramótið núna á laugardaginn. Jörgen Ljungberg, sem ætti enn að vera í minni einhverra Íslendinga eftir að hafa keppt sem sýningargestur á Íslandsmeistaramóti KRAFT auk Bikarmeistaramótsins 2004, mætir til leiks. Ljungberg á beygjumetin hjá Svíum í 110kg flokki (375,5kg), 125kg (427,5kg) og súpernum (425kg) þannig að væntanlega fáum við að sjá almennilega beygju hjá kappanum.

Jörgen sýnir einbeitinguna sem þarf til að beygla 400+kg

Þegar hann keppti hér síðast í súpernum á Bikarmeistaramótinu þá tók hann 425kg í beygjum, 270kg á bekk og deddaði 350kg sem gerði all hrikalegt total 1045kg. Nokkrum mánuðum áður deddaði hann 372,5kg sem gestur á Íslandsmeistaramóti KRAFT þannig að nokkuð ljóst er að víkingaandinn magnast upp um allan helming hjá honum hér á klakanum. Besta total sem hann hefur tekið hingað til var einmitt á milli þessara tveggja móta, 1055kg, en vonandi nær hann að slá því við í hrikalegum anda á Meistaramóti WPC Ísland!

Jani, Ano og einhver aukamoli

Ano Turtiainen og Jani Murtomäki eru tveir af öflugustu lyfturum Finna um þessar mundir.  Þeir eru báðir mikið viðloðandi METAL fyrirtækið sem framleiðir gæðasloppa og brækur.  Þó svo að þeir keppi báðir í margföldum ofurútbúnaði, þá eru þeir helsterkir á kjötinu líka, eins og sjá má á þessum tveim myndböndum þar sem þeir taka aukaæfingar fyrir bekkinn annars vegar og beygju hins vegar.

Aukaæfingar fyrir bekk

Aukaæfingar fyrir beygju

Útbúnaðurinn er ekki allt, til að nota hrikalegan útbúnað þurfa menn að vera hrikalegir fyrir og tilbúnir líkamlega og andlega til að eiga við ofurþyngdir!

Það kemur fram í Fréttablaðinu í vikunni að flest allir þjóðflokkar mannkyns í öllu mögulegu nota bekkpressu sem viðmiðun…Guðsgreinin er svo sannarlega vinsæl,óhætt að segja það. Hinn kunni fjölmiðlamaður Þorsteinn Joð er nú að leggja af stað í veiðiferð til Maldíveyja í Indlandshafi til að veiða fisk og annan. Þetta verður auðvitað að mestu leyti gjört af miklum hetjuskap í fullkomnum sportbát en þó eitthvað af ströndinni. Það kemur fram í viðtali við Þorstein að hann vonast eftir að veiða 30-50 punda fiska úr bátnum en það teljast víst hálfgerð stórhveli í þessu sporti. Vandamálið er það segir Þorsteinn að til þess að landa slíkum skepnum þurfa menn helst að eiga 110 í bekkpressu svo hann ætlar reyndar að halda sig sem mest við ströndina….!

Það verða margir molar sem taka á því á laugardaginn kl.13.00 í Smáralindinni. 20 keppendur skráðir á þetta annað Meistaramót WPC Ísland í páver. Frægastur þeirra vitaskuld er sjálfur strongest Magnús Ver Magnússon sem keppir í 140kg flokki. Aðrir kunnir kappar eru t.d. þeir Stefán Sölvi Pétursson stórskjóða sem er í hroðalegu formi og Pétur Bruno Thorsteinsson sem ætlar að stúta öllum persónulegum metum. Ekki má heldur gleyma frískleikakonungi Íslands Ingvari Ingvarssyni og forsetanum sjálfum Guðmundi Otra Sigurðssyni Otradalsgreifa sem ætlar að dedda út í hið óendanlega….Svo verða þarna nokkrir gamalgrónir lyftarar í ungmennafélags andanum en af þeim má nefna þá Jóhann Gíslason og Gunnar Freyr Rúnarsson master. Einnig verða margir nýmolar með og jafnvel kreppungar eins og Hlöllahlúnkurinn Svavar Smárason og fitnessgaurinn Smári Valgarðsson ofl.

sem hefur verið haugamatur er að bæta sig…

Í dag í innanblaði þeirra ALLT í þættinum HEILSA bls.2 er ágætis viðtal við formann KRAFT Jóhönnu Eiríksdóttur um stöð hennar SILFURSPORT sem er INN núna og fær umfjöllun víða…

Jóhanna Eiríksdóttir…flottasti formaður KRAFT hingað til….