Kraftaheimar.net

Menn eru misjafnir eins og þeir eru margir. Ummál og liðleiki eru til dæmis eiginleikar sem eru mjög mismunandi frá manni til manns. Sumir yfirmolar eru svo miklir um sig að þeir eiga erfitt með að sinna persónulegum þrifum á fjósinu eftir klósettferðir. Ég veit sjálfur um þunga bandaríska kraftlyftingamenn, tröll að vexti og mikla um sig sem hafa átt við þetta vandamál að stríða.

Það er mismunandi hvernig þeir leysa þetta vandamál og sjá til þess að hreinlætiskröfum almennings sé fullnægt. Þeir sem eiga góða að fá hreinlega persónulega aðstoð við að passa uppá að allt sé skínandi fínt þar sem þeir ná ekki til að þrífa sjálfir.  Hinir sem ekki eiga jafn góða að nota yfirleitt græju sem kallast “bottom buddy” eins og sést á myndinni hér að neðan.

Svo er auðvitað til þriðji flokkurinn, en það eru þeir sem hreinlega láta sig litlu varða hreinlæti og bjóða upp á lykt og tilheyrandi sem fylgir lélegum þrifum.

En vonandi taka þeir sig á og fjárfesta í svona “bottom buddy”.

Hér má finna græjuna

Póstforrit Magisters hefur ekki virkað núna í sólarhring..serverinn hjá Vodafone nær ekki sambandi svo þeir sem eru orðnir órólegir vegna svarleysis ritstjórans ofl. verða því að bíða enn um stund. Það á ekki reyndar af Magister að ganga í borðtölvu málum því Dell tölvan er nú í þriðja sinn á skömmum tíma komin í viðgerð og uppfærslu…búið að kosta 90.000kall en samt startaði ´tölvan sér ekki upp einu sinni..nú verður maður bara að fá sér 2 örgjörfa system (Dual Core) og sjá hvort þetta drasl kemst ekki í nothæft stand þar til Magister gerist VISAGREIFI aftur og verslar sér nýja topptölvu…(eftir nokkra mánuði?) Þetta vesen kemur niður á ritstörfum ritstjórans sem verður að pikka allt á ferðatölvuna með einum fingri, gerði það reyndar líka á borðtölvuna en það er allt liprara! osfrv.

Sigmar Freyr

Einkasonur Jóns Páls er í viðtali í dag í BLAÐINU á bls.20. Þar kemur fram að hann hefur formlega fengið einkaleyfi á notkun hinnar frægu setningar föður síns “Þetta er ekkert mál fyrir Jón Pál!” Ekki er nú alveg ljóst hvað Sigmar græðir á þessu en hann vill koma í veg fyrir að hugsanlegir kaupahéðnar og bísnessmenn græði á því að slá um sig með setningunni í  framtíðinni. Þetta minnir Magister á það að hann þarf að drífa í að sækja um einkaleyfi á forsíðu setningunni á Kraftaheimum og svo á setningunni “Afl og þekking er aldrei blekking” sem hefur vakið nokkra athygli…

Annars segir Sigmar í viðtalinu að hann sé að vinna að því að reisa styttuna af föður sínum sem hefur nokkuð lengi verið í deiglunni. Einnig kemur fram að hann sé svoldið að æfa og taki 120kg á bekk…Einnig er aðeins farið í gamla tíma og hann spurður að því hvernig það hafi verið að vera sonur frægasta kappa íslendinga þegar hann var strákur en honum fannst það bara fínt að sjálfsögðu og segir að núna séu alltaf einhverjir að koma að máli við sig og segja sér sögur af kallinum….

Vetrar-Verið er ekki að grínast þegar hann segist hafa unnið alla þá sterkustu í öllu á sínum tíma í sameinuðum kraftaheimi..Á myndinni sést hann t.h. í hörðum slag við Nathan “Megaman” Jones í keppninni 1995 World Muscle Championship

Maggi Ver fer mikinn nýlega í bréfi sem birtist á vefsíðunni ironmind.com þar sem hann ber saman fortíðina og nútíðina í kraftasportinu þar sem hann bendir á að á sínum tíma hafi hann verið óumdeildur Sterkasti maður heimsins um árabil á meðan núna eru áhöld um slíkt í raun hver ber þennan titil  vegna sundrungarinnar í kraftaheiminum. Maggi viðurkennir samt að molar nútímans séu sterkari (eða betur undirbúnir eins og hann orðar það!) og greinarnar þyngri….fleira athyglisvert kemur þarna fram…Annars er kappinn í hörkuformi þessa dagana og deddaði um daginn 340 eins og hrat og mun líklega taka á því í pávernum hjá íslenska WPC sambandinu á næstunni…sjá kraftamenn.is

Stefán Sölvi Pétursson, stórskjóða í steinatökum

Nú eru menn í kraftaheiminu utanlands að reyna að koma á  sameiginlegri kraftakeppni andstæðra fylkinga í samböndunum IFSA og World Super Series. Þar sem þrír sterkustu molar úr hvorri fylkingu myndu taka á því um þá væntanlega nýjan titil Sterkasti maður heimsins. Þessi tillaga pólverjans Jareks Dymek hefur vakið nokkra hrifningu og er mikið rædd um þessar mundir.

Vefsíðan kraftamenn.is veltir því upp í þessu samhengi hvort ekki væri hægt að koma á þannig keppni hér heima á milli hirðmola Hjalta annarsvegar og hirðmola Magga Vers hinsvegar. Það er vissulega vel ískalt á milli hirðstjóranna og nokkurra mola einnig. þetta er þó íhugandi ef einhver öflugur friðarstillir finnst þarna á milli. Kraftamenn.is eru þegar með hugmyndir um væntanlega keppnismola ef þetta fær hljómgrunn og leggja það til að IFSA lið Versins yrði skipað þeim Stebba Sölva,Benna tarfi og Gogga steinajöfri en molalið Dúdda yrði skipað þeim  Kristinni Boris, Jens estrogen og Heisa.

Þetta er auðvitað bara tillaga en ef að lið Hjalta yrði svona skipað þá gætu IFSA molar unnið þá með annarri hendi ef um liðakeppni væri að ræða eða þannig….Megin tilgangurinn með svona keppni væri samt sá að finna út hver teldist raunverulega Sterkasti maður Íslands…kíkið á kraftamenn.is