Kraftaheimar.net

LEIÐIN AÐ 300 Á BEKK…

Það hafa þúsundir Frónbúa tekið á því í páver síðustu áratugi…margir orðið
mjög sterkir og frægir..en frægðin ein dugar ekki til..Hvað tekurðu á
bekk?..Það hafa frá upphafi vega aðeins þrír íslendingar tekið 300kg á bekk
og
einn af þessum útvöldu er Ingvar Ingvarson..ringoinn…
46 ára gamall og aðeins 116,2kg að skjóðuþyngd tók Ingvar 300kg á bekk í
125kg
flokki og setti heimsmet öldunga og varð jafnframt heimsmeistari í bekk á
heimsmeistaramótinu í Las Vegas í nóv 2009. Einstakt afrek. Ritstjórinn náði
tali af Ingvari um leiðina að 300 á bekknum en eins og kunnugt er þá býr
kappinn nú í Saint Johns í Kanada.

Ingvar enn með járn í kassanum eftir hjartauppskurð…

LEIÐIN AÐ 300…

VIÐ SPYRJUM FYRST MEISTARANN: HVENÆR FÓRSTU FYRST AÐ HUGSA UM AÐ ÞÚ GÆTIR
RAUNVERULEGA TEKIÐ 300 Á BEKK?

“Í ágúst 2001 ákvað ég að verða fyrstur íslendinga til að taka 300 á bekk. Ég
var á WPC móti í Orlando í Florida ásamt Bóndanum og vorum við gestir á þessu
móti.Ég hafði fram að þessu haft litla reynslu af sloppum en átti samt fyrir
mótið 210kg en bætti mig á mótinu í 225 og komst í yfiranda við það..

FLOTTUR! - EN HVAÐ GERÐIST SÍÐAN?

“það hófst mikið bætingatímabil næstu árin en á Íslandsmótinu á bekk 2003 tók
ég frægt met af Baldvini bekk 240,5kg í tíunni og síðar sama ár tók ég á
Bikarmótinu 255. Árið 2004 massaði ég upp 265 í 125kg flokki og svo árið 2005
kom hið ógnvænlega bekkpressumót..fram að því má segja að ég og Auðunn hafi
verið komnir í kapplaup í áttina að 300kg markinu og bættist við það svo hin
hrikalegasta hraðlest sem ég hef áður kynnst, Maggi trukkur…

Ingvar fer upp með 290 á bekk árið 2005 en dæmt af vegna fótahreyfingar…

JÁ,JÁ, HVERNIG FÓR ÞETTA ALLT EIGINLEGA?

“Ég ætlaði mér að taka 300 á bekknum á Íslandsmótinu í bekk 28 janúar 2005 en
það tókst ekki vegna þess að ég var settur í hjartaþræðingu í upphafi
uppkeyrslu
fyrir það mót í okt.2004. Var mér síðan tilkynnt nokkrum dögum fyrir mótið að
ég væri kominn með kransæðastíflu og yrði strax að hætta að æfa og vinna..Ég
tók svo 280kg bætingu á mótinu og fór upp með 290 sem var dæmt af. Þetta
truflaði mig smá að vera fyrstur í 300 og á meðan ég var settur í allsherjar
hjartauppskurð á þessu ári 2005 þar sem m.a. skipt un helling af æðum í mér,
þá
náði Auðunn því að verða fyrstur að taka 300 á bekknum og var það sérlega
glæsilegt hjá honum!

ALLT Í LAGI HRIKALEGUR - EN ÞÚ GAFST EKKI UPP VIÐ 300KG DRAUMINN ORÐINN SVONA
HUNDGAMALL?

“Uppjöf? -Hvað er það? Ég vissi frá upphafi að ég myndi fanga 300kg bekk en
mér
þótti heldur súrt að varða þriðji í þeirri baráttu því Sigfús Fossdal hafði svo
einnig tekið 300. Það má segja að á EM í Hollandi 2009 þar sem ég tók 260
létt
og 270 fór upp þá fann ég að ég var tilbúinn að klára þetta 300kg mál.Mér
þykir
samt gott að hafa klárað þetta í öllum þeim breytingum sem voru í lífi
mínu.Ég
var nýflttur tl framandi lands þar sem járnarusl var besti vinur minn þar til
Addý sú elska kom. Ég fékk samt óskipta athygli og stuðning frá félögum mínum
hér í gyminu og voru allir þar mjög spenntir fyrir heimsmeistaramótinu í
Vegas.Það munaði samt litlu að ég flautaði mótið af vegna meiðsla í baki en
það
var þegar ég þurfti nokkrar nætur að sofa uppréttur vegna kvala. (ath.þetta
er
bara væll því ritstjórinn þurfti að sofa uppréttur í tvo mánuði fyrir HM í
Vínarborg 2008 og kvartaði aldrei) Ég tek það fram að ég misti samt ekki úr
einn einasta vinnudag vegna þessa”..

JAMM.HARÐUR! - OG ÞÚ HARKAÐIR ÞETTA SVO MEIRA AF ÞÉR HLÝTUR AÐ VERA?

“Já,köttur ég sagði við sjálfan mig: “Úr því að þú harkar af þér vinnuna
harkar
þú af þér mótið líka!”
ÆFINGAR SÍÐUSTU 3 MÁNUÐI FYRIR MÓTIÐ VORU Í STÓRUM DRÁTTUM SVONA”:
Mikill kjötbekkur á 7-8 daga fresti. Hitað vel upp með léttum þyngdum
60-100kg
í 8 settum. Svo keyrði ég upp með 20kg stökkum 2-3 reps 1 sett þar til 180×1
og
svo stundum í 200×1 0g 210×1 tvisvar sinnum fór ég í 220×1 allt æft með
stoppi
bæði léttar lyftur og þungar enda var sprengjukraftur minn kominn í nýjar
víddir…

Ringo pumpar skrautæfingu fyrir Vegas…

Eftir hvern topp á kjötæfingunum tók ég 180-190 2×10 og fullt af
pumpi
og skrautæfingum mismunandi þungar svona 7-10 æfingar í 15 repsum í 2-3
settum
hverja æfingu.

Ingvarinn pósar í æfingastöðinni í Saint Johns

OKAY FLOTT RINGO EN HVAÐ UM SLOPPAÆFINGAR?

“Ég náði þremur sloppaæfingum fyrir Vegas. í æfingu nr.2 rifnaði Metal 58
sloppur Mastersins í 280kg lyftu. Ég fékk nýjan nr.62 13 dögum fyrir mót og
tók
illa í honum 280 en skrifa það á þreytu samt frekar en slopparæfilinn.Ég fór
ekki meira í gymið og hvíldi 12 daga algjörlega. Reyndi bara að éta á mig
þyngd.”

SEGÐU OKKUR MEIRA AF ÞESSUM SLOPPAMÁLUM..

“Já,þegar ég kom til Vegas sá ég að verið var að selja sloppa þar og
sérstaklega eftir að Fjölli hafði bætt sig hrikalega í glænýjum Katana sloppi
ákvað ég að yfirgefa Metal sloppa sem ég var farinn að vantreysta. Ég keypti
mér því 52 Katana slopp sem ég arfleiddi svo Masterinn að til að bæta fyrir
> sloppinn sem ég reif frá honum.

MASTERINN HEFUR SLOPPASÖGU ÞESSA AÐ SEGJA OG KEMUR HÚN HÉR INN Í:

Gunz lánaði Ingvari slopp síðasta sumar, sem hann varð Evrópumeistari í frá
Amsterdam. Þetta var Viking Bencher númer 58 og stuttu síðar biður Ingvarinn
um
sloppinn aftur, sem Master sendi góðfúslega til Canada. Eftir nokkrar æfingar
rifnar sloppurinn í tætlur, eftir að Ingvarinn hafði verið á mikilli uppleið.
Ingvar og Master VORU SVO BÁÐIR Í HRIKALEGUM ANDA.. Ingvar kaupir svo
Katanasloppp í Vegas, sem Ingvar mátar aðeins einu sinni og tekur í honum 300
kg. Ingvar fer svo til Canada í afslöppun á árinu. Snemma árs 2010 sendir
Masterinn fyrirspurn til Ringos að fá 300 kg sloppinn lánaðan úr því
Ingvarinn
væri hættur að sloppast (í bili). Ingvar bregst vel við fyrirspurn Master og
sendir honum sloppinn nokkrum dögum seinna og honum fylgdi miði, sem
skrifaður
var með stórum stöfum á pappakassaafrifu:

Sæll Gunnar!
Þú færð Katana-sloppinn í skaðabætur fyrir Metal sloppinn! En
mundu…Katanasloppurinn er ekki ætlaður til búkkalyftinga því þá missir hann
300 kg kraftinn! kv Ringó

300kg sloppurinn…

Gunnar Master hefur tekið eina æfingu í sloppnum og líkaði vel, nema að
skjóðan
var bara ekki nógu stór til að fylla upp í sloppinn. Það stendur allt til
bóta,
því karlinn hefur náð mest 113 kg síðust daga og vildi glaður ná 116 kg plús
til að sloppurinn megi gefa honum 220-30 kg sem Master stefnir á í sumar.
Ingvar hefur samt Masterinn grunaðann um að stelast í búkka, samkvæMt facebbok
færslu, en það mun ekki rétt vera, enda trúir Master því að Ingvar hafi lagt
álög á sloppinn.)

Ritstjórinn og Ringo ráðgera viðtal ársins í Vegas…

BEKKPRESSUKEPPNIN Í LAS VEGAS

HVERNIG GEKK SVO KEPPNIN FYRIR SIG RINGO?

“Ég fílaði mig hrikalega í upphituninni en þar voru helstu aðstoðarmenn mínir
þeir Fjölli tvister,Villi ketill og Flosi spider…Það var ævintýri að troðast
í nýja sloppinn með þeirra hjálp en þetta gekk fínt og ég tók 260 í síðustu
upphitun eins og ekkert..Fór svo með alllar lyftur gildar í keppninni á þremur
hvítum og endaði á 300..Fór reyndar í aukatilraun í 310 sem ég missti nærri á
hálsinn en þá var ég alveg búinn”…
-
RINGO 300KG MYNDBAND

ÚRSLIT Í BEKKPRESSU 125KG FLOKKI 45-49 ÁRA HM - LAS VEGAS

1. Ingvar Ingvarsson Ísland 116,2 - 270 - 285 - 300 Heimsmet -(auka:x310)
2. Tim Moon USA 115,5 - 255 - x275 - x275
3. Ron Garcia USA 113,6 - 182,5 - X190 - X197,5

Ingvar ringo sem heimsmeistari í Vegas

EFTIRMÁLI: HVERNIG ERTU Í BAKINU OG HVER ERU NÆSTU BEKKPRESSUPLÖN HJÁ
HEIMSMEISTARANUM?

“Ég er rétt að ná einhverjum bata núna og er framtíðin sú hjá mér að vinna
upp
kjötstyrkinn upp í nýjar víddir á þessu ári og stefni á 250kg fyrir næstu jól
og Florida á næsta ári.
“Ég segi svo að ég ætla að lyfta mestu bekkpressuþyngd íslendings frá
upphafi!.
Ég get ekki nefnt töluna því það fer eftir því hvað skyrtröllið hann Sigfús
verður búinn að taka…
Baldvin var fyrstur í 250, Auðunn fyrstur í 300,  en ég verð fyrstur til að
taka
bekkpressukrúnuna yfirallt, því ég verð elstur, léttastur og “fallegastur” af
öllum fyrri kóngum”…

Share on Facebook

Rúnar Geirmundsson - Hroðinn….

-

Nokkra athygli vakti á síðasta páverári ungur og stæltur gæi sem sýndi skemmtilega hörku á keppnispallinum…Það er Rúnar Geirmundsson sem er bróðir hins kunna kraftamanns Heisa…

KRAFTAHEIMAR LAGÐI NOKKRAR SPURNINGAR FYRIR KAPPANN:

-HVERNIG STÓÐ Á ÞVÍ AÐ ÞÚ BYRJAÐIR Í PÁVER OG HEFURÐU VERIÐ Í ÖÐRUM ÍÞRÓTTUM?

“Ég var fyrst 12 ár í fótbolta (hvílík sóun!..innskot ritstjóra) og svo var ég í blaki og komst í unglingalandslið þar. Ég meiddist eitthvað í þessu sprikli öllu og sá svo páverljósið.” “Heisi bróðir er auðvitað frábær og hann hvatti mig áfram”

HVERJUM HEFURÐU HELST VERIÐ AÐ ÆFA MEР?

“Ég hef helst verið að taka á því með Heisa og Þrumu-Þór og Dóra driver. Þeir eru allir hrikalegir og hafa tekið mig í gegn frá því ég byrjaði sem 56kg tittur en hef nú þyngst um 12kg undir þeirra leiðsögn og er orðinn 68kg og hef bætt mig í pávergreinunum um tugi kílóa.”

Á MÓTUM VIRKARÐU NÚ ÆSTUR OG GEÐVEIKUR,HVAÐ SEGIRÐU UM ÞAÐ?

“Ég er nú rólegasti maður sem þú finnur þangað til ég kemst í páver…Ég man aldrei eftir lyftunum mínum.aldrei..því ég kemst í einhvern annan heim!” “Einhverja geðveiki kannast ég ekki við nema í pávernum…þar fer ég í algjört blackout!”..(flottur!)

HVER TÓK UPP Á ÞVÍ AÐ KALLA ÞIG LÉTTMOLANN HINU HROÐALEGA FLOTTA VIÐURNEFNI:”HROÐINN”?

“það var módelið í kraftaheiminum þessi hroðalega fagri Orri Geirss sem kallaði mig þetta fyrstur. Ég ætla að standa undir þessu og stefni að því að verða óógeðslega sterkur og köttaður api!”

Heisi og Hroðinn taka hálfan krabba…

HVAÐ MEÐ NÆSTU MÓT OG BÆTINGAR?

“Ég verð með á RAW deddmóti Versins um helgina og verð kannski með á RAW beygjumóti SuperGym og svo Íslandsmóti ÍKF Metal í apríl..ég vil helst keppa allstaðar og bæta mig í hvert skipti!” Ég hef lofað að keppa aldrei í útbúnaði (aldrei að segja aldrei!)…á þessum mótum verð ég í 67,5kg flokki en Hroðinn ætlar að éta sig upp í 75kg flokk á Bikarmót ÍKF Metal í október og taka hrikalegar bætingar!”

HVAÐA ÞYNGDIR ER HROÐINN AÐ TAKA?

“Í augnablikunu er ég að taka 150 í beygjum, 85 á bekk og 160 í deddi allt á kjötinu en ég á vel inni því ég hef ekki toppað neitt síðan í fyrra.”

Kraftaheimar þakka þessum efnilega léttmola sem er í hroðalegum anda fyrir spjallið og óskar honum velgengni á næstu mótum. Eitt er víst að áhorfendur munu taka eftir þessum pávermanni á pallinum….

Share on Facebook

Brauðin á Ringo eru öll að koma til….

Fréttastofan náði í gærkvöld smáspjalli við Ingvar ringo í Nýfundnalandi þar sem hann var nýkominn úr helsta járnahaugnum í ST. Johns…“HVERNIG ER VINNAN ÞARNA ÚTI?”…

“Blessaður maður þetta er allt svipað og heima nema að vinnuvikan er styttri hjá mér”  svaraði kappinn. -

“LABBAR MOLINN EITTHVAÐ EÐA ERTU KOMINN Á BÍL?”

Nú heyrðist ánægjumurr á línunni,(nokkurskonar mal) : ” Nehei köttur, ég labba sko ekkert meira en ég þarf! -  Hringrás þetta toppfyrirtæki er búið að skaffa mér frían bíl svo maður er í hálfgerðum þingmannafíling inn á milli!”

“EN ELDAMENNSKAN HVERNIG GENGUR HÚN?”

“Ég er steinhættur því köttur,hún Addý mín sér núna um allt svoleiðis þannig að ég þarf bara að hugsa um að éta og það mikið!”…”Ég er um 111kg á skjóðuna núna en ætla að þyngja mig upp í 115-116kg og verða áfram bæði fagur og sterkur!”

“EN BEKKURINN HVERNIG GENGUR HANN?”

“Ég tók fyrir stuttu 205kg á kjötinu og er rétt að komast í gang hérna í sveitinni,ég tók mest 220 fyrir Amsterdam á kjötinu og byrja á því að stúta því og set síðan stefnuna á allra tíma kjötbætingu en ég tók 230 fyrir hjartauppskurðinn 2004 rétt áður en ég tók 280 á móti og fór upp með 290 í slopp..“ÞESSU VERÐUR ÖLLU STÚTAÐ!”

“ERU EINHVERJIR PÁVERMENN ÞARNA Í GYMINU HJÁ ÞÉR?”

“´Nei,engir pávermenn hérna en ég sá um daginn fyrirferðamikinn mola,kastara eða eitthvað svoleiðis mæta á æfingu og repsa 230 í beygjum,það var athyglisvert. Ég sé  heldur enga kreppunga hérna bara svona venjulega pumpara og svoleiðis lið.”

Kraftaheimar þakka Ringo fyrir spjallið og vonum að hann nái að gæðamassa sig  upp fyrir bætingarnar í 125kg flokknum… Segjum meira frá undirbúningi þessa  magnaða kappa  fyrir HM í Las Vegar á næstu vikum…

Share on Facebook

Viðtal við Sunnu Hlín um Sunnumótið á Akureyri á morgun er í sjónvarpsdagskránni Birtu 10-16 júlí á bls.8

Sunnmótið í bekk og deddi fer fram á Glerártorgi kl.13.00 - Eingöngu konur keppa á þessu móti - stórplús fyrir femínista!…Keppendalistann má sjá á heimasíðu KFA: HÉRNA

Viðtal er við Rúnar Friðriksson fjósa aðalhugmyndasmið KFA og mótshaldara í Fréttablaðinu í dag á bls.20. Fjósi sem sjálfur er sestur í helgan stein í páver sökum virðuleika fer þarna fögrum orðum um Sunnu Hlín og er þar engu ofaukið. Hún hefur verið drottning umræðunnar um kraftaíþróttir á Íslandi síðustu ár.

Share on Facebook

Heimsmeistari í -140kg flokki á HM WPF í Vín 2008

Eitt mesta efni í páver á Íslandi hefur um árabil verið Borgarnesb0llan, Þorvaldur Ásberg Kristbergsson.  Nú loksins er hann farinn að ná árangri á heimsmælikvarða, en við væntum þess af honum að hann bæti sig miklu meira á næstunni og seti jafnvel heimsmet sem seint verði slegið.

————–
1./ VARSTU STERKUR Í BARNASKÓLA EÐA BARA BOLLA SEM PRIKIN GERÐU GRÍN AÐ?
Ég var nú bara bolla sem var gert grín af. Var samt alltaf hraustur miðað við aldur þegar ég var lítill.

————–
2./ ÁTTIRÐU ÞÉR EINHVERJAR FYRIRMYNDIR OG HETJUR ÞEGAR ÞÚ VARST GUTTI?
Hef alltaf verið mjög hrifinn af hetjunum í Íslendingasögunum.

————–
3./ HVERNIG STÓÐ Á ÞVÍ AÐ ÞÚ FÓRST Í PÁVER?
Byrjaði að fara í salinn og ætlaði að létta mig (sem er ekki búið að takast ) en sá að ég hafði alveg powerið svo ég setti mig í samband við Boris og hann kom mér af stað í þessu sporti.

————–
4./ HVAÐ VAR FYRSTA MÓTIÐ ÞITT OG HVAÐ TÓKSTU MIKIÐ?
Það var Íslandsmót unglinga og öldunga á selfossi og mig minnir að það hafi verið 2005
Tók 310 í hnébeygju 210 í bekk og 270 í réttstöðu. Klúðraði svo 300 og braut gólfið 790 í tótal.

————–
5./ HVAÐ FINNST ÆTTINGJUM ÞÍNUM UM PÁVER OG AFLRAUNIR? - HALDA ÞEIR EKKI AÐ ÞÚ SÉRT AÐ DREPA ÞIG Á ÞESSU KRAFTASTÚSSI?
Jú blessaður, maður heyrir það nánast á hverjum degi að þetta sé ekki hollt fyrir líkamann og svoleiðis bull frá þessu liði….. en hvað vita þau???? BARA HRÍSLUR

————–

Hófarnir á verðandi beygjukóngi

6./ NÚ HEFUR ÞÚ SÝNT FRÁBÆRA GETU OG HÆFILEIKA Í BEYGJUM, STEFNIR ÞÚ EKKI AÐ ÞVÍ AÐ VERÐA BEYGJUKÓNGUR KLAKANS Í NÁINNI FRAMTÍÐ OG ELTA SKYRANN ÞEGAR HANN VERÐUR BÚINN AÐ STÚTA ÁDÍ?
Já mér finnst beygjan vera skemmtilegasta greinin. Jú ég verð Beygjukóngur Íslands eftir smá tíma. Mér er alveg sama þótt að Fúsi verði á undan mér að taka metið af Audi því ég ætla að fara miklu hærra.

————–
7./ Á AÐ BÚA TIL FLEIRI KRAKKA Á ÁRINU?
Nei það er ekki á stefnuskránni núna. En það er stefna að fjölga bráðum.
————–

8./HVERNIG KYNNTISTU ÞINNI HEITTELSKUÐU?
Í Borgarnesi árið 2000. Vorum mjög góðir vinir allveg í 3 áður en við byrjuðum saman. Það var svolítið skrítið því að pabbi hennar var nefnilega verkstjórinn yfir mér þegar ég var að vinna á sumrin í byggingariðnaðinum.

————–
9./ Á EKKI AÐ REYNA AÐ VINNA BESTA AFREKIÐ Á EVRÓPUMÓTINU Í HOLLANDI Í ÁR?
Nei ekki í ár því að það eru ekki til miklir peningar til þess að fara að keppa þar. Fer til Vegas og svo til L.A í janúar. Er að safna fyrir þeim ferðum.

————–
10. ÆTLAR ÞÚ AÐ KEPPA EITTHVAÐ Í AFLRAUNUM MEÐ PÁVERNUM?
Nei það ætla ég ekki að gera… Mér finnst þetta samt vera skemmtileg íþrótt, en þar sem ég er með athyglisbrest á háu stigi þá er best fyrir mig að vera með fókusinn á powerinn bara.

————–

3 Hrikalegir, Bollan, Heisi og Fermeterinn

11./HVERNIG VAR AÐ FARA HINAR STÓRKOSTLEGU FERÐIR MEÐ METAL Í FYRRA,FYRST TIL KANADA OG SVO Á HM Í AUSTURRÍKI?
Eigum við að ræða það eitthvað hahahahaha…. Þetta var bara geggjað gaman og þessi hópur sem fór SNILLD. Þessar tvær ferðir munu aldrei gleymast.

————–
12.HVERNIG TILFINNING VAR ÞAÐ AÐ VERÐA HEIMSMEISTARI Í FYRSTU TILRAUN?
það var svona la..la… bara. Mér er alveg saman hvort að ég verði heimsmeistari eða ekki. Bara ef ég næ mínum markmiðum þá er ég ánægður.

————–
13./BORGARNES- HVERNIG STAÐUR ER ÞAÐ TIL AÐ BÚA Á FYRIR HEIMSMEISTARA?
Örugglega ágætur… En ég bý nú í Borgarfirðinum það er sko staðurinn. Í sveitinni er best að vera. Þögn og kyrrð og svo skemmir ekki að maður er með heitapott beint fyrir framan hurðina og hann er sko notaður í allskonar hahhahahahahaha

————–
14./HVERNIG KOM VIÐURNEFNIÐ BORGARNESBOLLAN TIL?..HVENÆR OG HVER FANN UPP Á ÞVÍ?
Boris kom nú með það… það kom nú bara því að ég átti heima í Borgarnesi og var/er Bolla

————–

15./ HVAÐ ER BESTA RÁÐ VARÐANDI ÆFINGAR SEM ÞÉR HEFUR VERIÐ GEFIÐ?
“Hættu að væla og vorkenna sjálfum þér og æfðu eins og maður”

————–

Heimsmeistarabeygja!

-

16./ NÚ ERTU ÞEKKTUR FYRIR AÐ RÍFA KJAFT, HEFURÐU LENT Í ÞVÍ AÐ SEGJA EITTHVAÐ Í HRIKALEGUM ANDA SEM ÞÚ HEFUR SÍÐAN DAUÐSÉÐ EFTIR?
Já það hefur nú komið fyrir. örugglega svona 5 sinnum í viku eða eitthvað Ég er þekktur fyrir að segja hlutina áður en ég hugsa. Spyrjið bara strákana sem ég er alltaf með þeir fullvissa ykkur um það.

—————
17./ ERTU MEÐ EINHVERJA LEYNIRÁÐGJAFA SEM HJÁLPA ÞÉR AÐ VELJA RÉTTAR ÆFINGAR Á BÆTINGABRAUTINNI?
Ekki núna en ég les mikið af því sem þeir bestu eru að gera og prófa það. Sumt virkar ekki neitt en sumt þrusu virkar.

—————-
18./ HVAÐA INNLENDUM OG ERLENDUM PÁVERMANNI BERÐU MESTA VIRÐINGU FYRIR?
Innlendur eru nokkrir sko. Auðunn og allar þessu gömlu kempur sem voru hrikalegir upp frá 80 til svona 95. Þetta eru gaurarnir sem voru virkilega sterkir á kjötinu þar sem að búnaðurinn voru bara eins og teygjubindi eða eitthvað. Svo eru það nokkrir erlendir sem maður nennir ekki að telja upp hérna.

—————-
19./ HVAÐ HJÁLPAR ÞÉR MEST AÐ KOMAST Í ANDA FYRIR ÆFINGAR?
Youporn.com nei ég er nú bara að djóka… Það er bara að vera búinn að hugsa svona þorran af því hvað þú ætlar að gera á æfingunni og svo fókusera á það og sterkur kaffi bolli þá er Bollan til í slaginn.

—————-
20./ ERU HAMBORGARARNIR ÚR BAULUNNI AÐ GEFA EITTHVAÐ Í TOTALIÐ?
Nei get nú ekki sagt það. Borða voða lítið af þeim en sá það fyrir HM að Kóko mjólk, kleinur og ein og ein pylsa það er að gefa

—————-
21.HVER VERÐUR NÆSTI KLAKVERJI TIL AÐ DEDDA 400kg?
PalliPáll eða Stórskjóðan

Bollan að spóka sig í Kanada

Kraftaheimar þakka Bollunni fyrir viðtalið og vona að hann drífi sig sem fyrst í 1100kg total og 1000punda beygju!

Share on Facebook

Jón B Reynisson - verður bara hrikalegri með aldrinum!

Það er fjör í bílskúrnum hjá Benna þessa dagana en hluti af úrvalshóp Metalmola taka þar á því með bílskúrskónginum sjálfum sem er hrikalegustur allra…Fyrir viku síðan tók kappinn 290kg á bekknum! - Hann tók það reyndar fjögur sett eitt reps en var í vandræðum með að koma stönginni alveg niður á kassann….en upp fór þyngdin létt! - Ritstjórinn náði í gærkvöldi stuttu spjalli við Big-Ben og spurði hann að því hvort það væri rétt að hann væri einnig búinn að taka vel yfir 300kg  niður á búkka?  “Já, svaraði kappinn. Ég tók um daginn 323kg niður á tvo búkka og átti inni!”

Big-Ben er hrikalegasti öldungur sem sögur fara af í Evrópu um þessar mundir og því spurði Magister hann að því hvort þetta væri eingöngu sloppalærdómur sem gæfi þennan árangur á bekknum eða þessar nýju og byltingakenndu búkkaæfingar?

“Ég er vissulega að læra meira á þessi sloppa-yndi en æfi auðvitað vel og æfi hrikalega með keðjum, búkkum og teygjum. Ég nota svokallaðar powerbind súperteygjur sem enginn Teygjutvister getur teygt á!” Ég æfi líka beygjur með keðjum og teygjum og er bara allur í glettilegu formi!”

Íslandsmót ÍKF METAL í bekkpressu fer fram núna laugardaginn 24 janúar kl.13 á Eiðistorgi. Big-Ben verður að sjálfsögðu með þar og hann var spurður að því hvort hann myndi ekki reyna við 300kg múrinn þar?

Og svarið kom strax: “Engin spurning með það köttur!”

Ritstjórinn spurði því næst hvort andinn í bílskúrnum með gæðamolum Metal gæfi ekki hrikalega?

“Jú, svaraði kappinn. Þetta er vel gott og gaman og á laugardaginn verður tekin þung æfing þar sem ekkert verður gefið eftir!”

Á að TAKA 300kg niður á kassa þá? var að lokum spurt

“Það verður vel tekið á því!” var svarið….

Ritstjórinn stefnir að því að fylgjast með þeim átökum sem þá fara fram en væntanlega verða þarna fyrir utan Big Ben molar eins og t.d. Borgarnesbollan, Fermeterinn, Valdi kerfis, Teygjutvister og e.tv. fleiri…MEIRA SÍÐAR!

Share on Facebook

Share on Facebook

Share on Facebook