Kraftaheimar.net

Haukur Pálsson, léttmoli sem deddar 220kg

Sumir í kraftageiranum fá viðurnefni fljótt, aðrir seint um síðir og sumir jafnvel aldrei… Ástæðan fyrir viðurnefnum manna er oft einföld eða flókin og stundum ræðst það af sérstökum atburði….Haukur sem er rokkari í hljómsveitinni KLINK  er nú kallaður Þvottur, en hann er búinn að æfa í Steve Gym í rúmt ár og hefur ástundað réttstöðuna af miklum krafti og örgrannur deddaði hann 220kg á Akureyri í júní og varð óvænt Evrópumeistari í deddkeppninni í 82,5kg flokki….Það gerðist einmitt á Akureyri að Haukur fékk viðurnefnið “þvottur” af sérstöku tilefni. Hvort að það muni festast við hann mun tíminn leiða í ljós eða hvort hann verður nefndur eitthvað annað síðar….

Aðal-Fúsi í aksjón á EM

Annar kappi, Birgir Þorsteinsson kallaður Aðal-Fúsi nú á dögum gisti með Hauki og nokkrum öðrum molum í 3 hæða einbýlishúsi sem þeir tóku á leigu á meðan EM stæði. Eftir keppnina var Fúsinn nokkuð þrekaður enda hafði hann á nokkrum mánuðum þyngt sig um 20-30kg fyrir mótið. Hann trítlaði sér nú samt niður í kjallara og setti svitastorkin föt sín og tilheyrandi í þvottavél. Á meðan vélin vann sitt verk lagðist Fúsi upp í sófa í stofunni og hreyfðist lítt eftir það. Kappinn varð síðan heldur þreyttari en hann hafði búist við og treysti sér ekki til að molast ofan í kjallara aftur þegar þvottavélin var búin. Hann lét því þau boð út ganga til viðstaddra  að hver sá er myndi taka út þvottinn og hengja hann upp á snúru fengi þúsundkall á mínútuna….(Þarna er kominn Aðal-Fúsinn!)….Haukurinn tók þessu tilboði á stundinni og var 5 mínútur að verkinu…Hann hefði getað drollað lengur en dreif í þessu…Fimmarinn úr massaðri hendi Aðal-Fúsans skipti um eigendur og það liðu ekki nema nokkrar sekúndur frá því þar til heyrðist í djúpri kattar-rödd: “Hvað segir Haukur ÞVOTTUR. var þetta nokkuð erfitt?”

Þvotturinn hans Aðal-Fúsa eftir að Haukur hafði hengt hann upp í garðinum að Laxagötu 8

-

Gústaf Agnarsson

Hér á árum áður voru þeir kunnir kraftajötnar Gústaf Agnarsson og Arthur Bogason. Gústaf sem nú er látinn var margfaldur Íslands og Norðurlandameistari í lyftingum og á tímabili sterkastur hér á landi bæði í jafnhöttun (210kg sem enn er mesta þyngd íslendings í þeirri grein) og í réttstöðulyftu 315kg. Gústi hafði viðurnefnið Próteintröllið en það kom af því að hann byggði sig upp af próteini og varð á fáum árum sem mjór drengur að breiðum mola…Arthúr sem er Akureyringur er aftur á móti þykkur moli að upplagi og eðlisfari og allur náttúrulega sterkur. Hann vakti strax mikla athygli á Íslandi fyrir mikla krafta og þá sérstaklega í réttstöðulyftu þar sem hann tók 342,5kg á Heimsmeistaramóti í Dayton í USA 1979. Á stuttum ferli vann Túri marga góða sigra og var sá eini sem náði að sigra Jón Pál hér á landi í páver. Bernharð Haraldsson skólameistari á Akureyri fann upp viðurnefnið Norðurhjaratröllið á Túra og varð hann landsfrægur undir því nafni. Hann er einnig þekktur fyrir störf sín sem formaður Landssambands smábátaeiganda á Íslandi.

Viðkynning þessara tveggja jötna var dálítið sérstök og hefur reyndar verið sagt frá henni í löngu gleymdri blaða eða tímaritsgrein fyrir mörgum árum.

(Ritstjórinn mundi allt í einu eftir þessu þegar hann heyrði sögu af gömlum Austfirðingum en annar þeirra Ragnar Björnsson var kallaður fellibylur vegna slagsmálahörku og svo hinn maðurinn sem nefndur var Jón gustur. Viðkynning þeirra var nokkuð flott þannig. Jón var ákaflega stór vexti og vel ánægður með viðurnefni sitt. Á samkomu einni í Sindrabæ á Hornafirði voru þessir veðurofsamenn kynntir…Jón réttir Ragga höndina og segir: „Sæll félagi,ég er Jón gustur!“ Um leið og Ragnar tekur í höndina svaraði hann: „Sæll frændi,ég er Raggi fellibylur!“…Gusturinn varð víst eitthvað skrýtinn á svip og svaraði: „Þú hefur þetta eins og þú vilt Raggi minn!“)

-

Arthur Bogason

Viðkynning þeirra Gústa og Túra var hinsvegar þannig að sameiginlegur vinur þeirra beggja Kristján Sigurðsson Akureyringur,kallaður Danni langi sem er hinn vænsti náungi kom þeim saman til kaffisamsætis og spjalls. Gústi og Túri vissu vel af hvor öðrum þótt þeir þekktust ekki persónlega. Það hafði t.d. nýlega komið fram í fjölmiðlum að Túri ætti flottasta,kraftmesta og dýrasta sportbíl á Íslandi, Það var svona 600-1000 hestafla bíll á svipuðum nótum og Porche og Aston Martin. Það var líka frægt þegar Túri kom frá USA hélt hann á í handfarangri 50kg þungum vélarhluta til að bæta í hestöflin á þessari kerru.  Þegar tollvörður ætlaði að skoða töskuna sem Túri handlék skítlétt þá gat hann ekki bifað honum upp á skoðunarborð nema að kalla til hjálp……Danni hefur þarna orðið og lítur á Gústa og segir: „Gústi má ég kynna þig fyrir Arthúri Bogasyni en hann á kraftmesta bíl á Íslandi!“….Gústi brá ekki svip nema kannski örlítið glott læddist á varirnar og hann svaraði: „Sæll,ég heiti Gústaf Agnarsson og á kraftmesta líkama á Íslandi!“

Eftir þetta fór vel á með þeim og urðu þeir Gústi og Túri hinir bestu vinir.

Sigurjón Ólafsson deddar á dagtíma í Perlunni hjá ÍKF Metal

Sigurjón Ólafsson – Miðnæturdeddari / sjálfur

Þá er komið að því að ýta aftur úr vör viðurnefnaþáttunum vinsælu. Það eru svo mörg viðurnefni í bransanum að það tæki nokkur ár að segja sögu þeirra allra svo vel sé. Það er þó ætlunin að skrifa reglulega þætti mánaðarlega svo biðlistinn styttist.

Nú er komið að einum af sonum SteveGym Sigurjóni Ólafssyni. Hann byrjaði að lyfta fyrir um 12 árum síðan. Eftir tveggja ára þjálfun fór Steve að taka piltinn meira að sér og fóru þá framfarirnar að koma svo eftir var tekið…Aldamótaárið 2000 var mikill deddandi í SteveGym enda var Magister Cat þá að starta fyrstu Íslandsmótunum í greininni ásamt Geysirnum og Masternum. Á þessum tíma var foringinn með regluleg helgarpartý í stöðinni. Við hinir vissum að Grjóni var búinn að dedda nokkuð yfir 200kg en Steve fór þá að segja að Grjóni væri búinn að dedda 250kg en það hefði hann gert eftir miðnætti í einu partýinu…Að vísu hefði hann slegið aðeins undir stöngina með annarri hendi til að auka viljann hjá Sigurjóni…Takmarkaður trúnaður var nú tekinn á þessu öllu…Grjóni sást þó á venjulegum tíma dags dedda 230kg einn og óstuddur…

Sigurjón  sjálfur tekur 270kg á Metalmóti nýlega

Svo leið að einu stöðvarpartýi uppi á 2 hæðinni þar sem Magister var staddur og Bjarki geysir og Masterinn ásamt Grjóna og Foringjanum sjálfum og fleirum….Steve fer þá að halda því fram fullum fetum  að Grjóni hafi eina nóttina fyrir skömmu deddað 300 í stöðinni eftir að hafa stútað mörgum Vodkaglösum…Klukkan var að ganga eitt í parýinu og Magister segir þá við Sigurjón: „Jæja Miðnæturdeddari nú kemur þú niður í sal og deddar í topp fyrir okkur!“

Það varð úr. Sigurjón fór niður og öll partýhersingin með til að fylgjast með átökunum. Eftir að Grjóni hafði svelgt einn auka tvöfaldan tók hann 260kg skítlétt fyrir mannskapinn…menn göptu..en þó göptu menn  enn meira þegar hann henti einnig upp ótrúlegri bætingu með 270!…Þá fór hann í 300..Steve sló þá vel undir stönginna með annarri hendi en hlassið fór hálfa leið…Eftir þetta var Sigurjón alltaf kallaður Miðnæturdeddarinn…Nokkrum árum síðar eða 2004 á Íslandsmóti í deddi á dagtíma tók hann brons í 100kg flokki með 210kg..það liðu mörg ár frá miðnæturdeddinu fræga að hann tók meira en 270kg en núna á hann best í keppni 287,5kg en á næturtíma með Steve í stöðinni á hann 320kg….

Á æfingu um daginn deddaði kappinn 260×2 sjálfur en svo repsaði hann 230 5×5 og sló Steve stundum undir stöngina….en sum repsin tók Sigurjón sjálfur…þetta varð til þess að Magister framleiddi aukaviðurnefnið „sjálfur“ á Grjóna til aðgreina hvað hann á sjálfur í deddi og hvað hann á með Steve…300kg dedd í keppni er nú á dagskrá hjá Sigurjóni sjálfum á þessu ári….

Hvern andskotann var Kötturinn að kalla mig hérna?

Ritstjórnin hefur verið nokkuð beðin um að birta hér heildarlista yfir viðurnefni kraftamanna og þá sem tengjast því.  Fyrir einhverjum árum síðan tók Magister Cat ásamt Óla fógeta saman lista yfir viðurnefni í kraftaheiminum og birtu það á kraft.is vefnum. Sá listi er nú úreltur og þar lítt aðgengilegur. Nú hefur verið settur saman nýr listi…Sumir á listanum eru látnir og aðrir hættir að lyfta en viðurnefni þeirra lifa áfram með kynslóðum um aldir alda. Lesendur sem vilja koma nýjum viðurnefnum að eða öðrum sem gleymst hafa eða leiðréttingum sendið ritstjórninni tölvupóst eða komment.

Það er nú þannig að sumir menn vilja ekki þýðast viðurnefni sín og sumir eru því aldrei ávarpaðir beint með þeim nöfnum en eru kallaðir það svona manna á milli. Sum viðurnefni geta kannski virkað særandi en það er ekki meiningin heldur munu þau fundin upp til að skreyta kraftatilveruna. Ættu menn því að anda rólega og taka viðurnefnunum með reisn hins sterka….
Það hafa nú verið gefnar út bækur með viðurnefnum manna eins og t.d. nýlega í Vestmannaeyjum. Það hefur samt aldrei áður gerst í Íslandssögunni svo vitað sé að höfundi viðurnefnis hafi verið hótað málsókn fyrr en Georg Ögmundsson hótaði ritstjóranum málsókn fyrir að kalla hann á Kraftaheimum Gogga grút…það þurfti lögfræðing til að sjatla málin…

Hér á eftir eru nöfn um 135 kraftamanna en sumir bera reyndar fleiri en eitt viðurnefni og því eru viðurnefnin sjálf nálægt 190 talsins. Ritstjórinn sjálfur viðurkennir að eiga sök á um 40 þeirra en sá sem hefur einnig fundið upp mörg nöfn eða á milli 15-20 er sjálfur Ölli vinur…Hitt skiptist á ýmsa en allavega á Óskar Sigurpálsson sök á kattarnafninu sem verður seint fyrirgefið…eða fullþakkað….

Kallaðu mig aldrei aftur Beikon….(HÉRNA)

VIÐURNEFNI 1.janúar 2010

Alfreð Björnsson Freddi fighter.
Arthúr Bogason Norðurhjaratröllið
Arnar Már Jónsson Loggurinn
Auðunn Jónsson Ádi/Kópavogströllið/Verndarinn
Ásbjörn Ólafsson Flæðilurkur/Ísbjörn
Árni Freyr Gestsson Ernie Els/Kommentakóngurinn

Baldvin Skúlason Bekkurinn
Baldur Borgþórsson Rotarinn

Baldur Þór Baldursson, Ofurbaldur/Scronster
Benedikt Magnússon (yngri) Tarfurinn
Benedikt Magnússon Hinn eldri/heldri
Birgir Viðarsson Dýrið
Birgir Þorsteinsson Litli Fúsi
Bjarki Þór Sigurðsson Geysir
Bjarki Ólafsson Hriki/Double Hriki
Björgúlfur Stefánsson Skúlfurinn eða Úlfurinn (WRESKÍ WOLF)
Björn Hrafnsson Ræsirinn.
Björn Lárusson Stóri Björn.

Emil Ólafsson Tölvutryllir/Tryllirinn
Eiríkur Einarsson Gufubaðsstjórinn
Elvar Óskarsson boli (KAZ)
Erlendur Óskarsson litli boli
Einar Birgisson spói
Eyjólfur Unnarsson Krókódíll/Krókó

Flosi Jónsson Flosi gull, selurinn/ Spiderman/Spider
Friðrik Jósepsson Fredrikó
Friðrik Örn Sigurðsson Frikki fríski.
Freyr Aðalsteinsson Olíufurstinn/furstinn
Freyja Kjartansdóttir Tattúgyðjan, Frekja
Fjölnir Guðmannsson Teygjutvister/Tvister

Geir Þórólfson Lopinn
Grétar Guðmundsson Big-G/Stóra-G
Grétar Hrafnsson Griss, Guttormur, Grelli
Georg Ögmundsson Goggi grútur
Gunnar Ólafsson Bartinn, Skemmujarlinn.
Gunnar F. Rúnarsson Masterinn
Gunnar Sigurjónsson Kraftaklerkurinn
Guðni Sigurjónsson Heimsmeistarinn
Guðmundur Erlingsson Gummi handleggur
Guðmundur Sigurðsson Silver
Guðmundur Guðmundsson Landkynningin
Guðjón Guðmundsson Pornó king/ pornó star

Guðmundur Otri Sigurðsson, Otradalsgreifinn

Guðjón Gíslason, Austfjarðatröllið/Flottmolinn
Guðjón Hafliðason Turninn
Gústaf Agnarsson Próteintröllið

Halldór Eyþórsson Prjónninn/ prelli
Halldór E. Sigurbjörnsson, Donni, HES/Donið
Halldór Bergmundsson Dóri djöfull/Dóri driver/Driverinn/Litla Verið
Haukur Ásgeirsson Kaffihaukurinn/Hagbarður hundrað kíló
Heiðar Geirmundsson Heisi
Helgi Hauksson Kamelljónið
Helgi Jónsson (saksóknari) Gríní
Helgi Jónsson Magri
Hermann Hermannsson Hemmi málari
Hermann Haraldsson Hemmi formaður
Hjalti Árnason Úrsus/Dúddi/ Legend.
Hjörtur Geirsson Stinkí
Hörður Magnússon Súlnasperrir/Ölli vinur
Hörður Arnarson Harðviður
Hörður Ingi Stefánsson Bassafantur

Ingibjörg Óladóttir Skyrfrúin
Ingvar Jóel Ingvarsson Ringó, útfarastjórinn/frískleikakonungurinn
Ísleifur Árnason Sleifur
Ísak Jóhannsson Sólmyrkvinn

Jens Andri Fylkisson Estrogen/Bjargið/Túttu-Jens
Jóhann Möller Möllerinn
Jóhannes Kjartansson Öndin
Jón Benóný Reynisson Breiðsíðan/Big Ben/Benni beikon
Jón Elís Guðmundsson Massinn, Jónninn
Jón Gunnarsson Bóndinn.
Jón Páll Sigmarsson Spöri
Jón Randver Guðmundsson Rómeó, Rand, Röndinn
Jón Valgeir Williams Lumbri
Jón Gunnar Hannesson Dr.Power
Jóhannes Hjálmarsson Fíragott/Fíra/Jói worlds
Jóhannes Eiríksson Omegakraftur
Jóhanna Þórarinsdóttir Bjútíbomba
Jóhanna Árnadóttir Jófó/Feykirófa
Jóhanna Eiríksdóttir Silfurskotta/Skottan
Karl Sædal Þrillerinn
Kári Elíson Köttur/tígrisköttur/Magister/Sir cat/kisi
Kristbergur Jónsson Turbóinn
Kristinn Ari Hinriksson Kiddzenegger
Kristinn Óskar Haraldsson Boris/Doris
Kristján Falsson Daddi diet

Lúðvík Björnsson Lúlli refur

Magnús Ver Magnússon Verið, Smælið/strongest
Magnús H. Magnússon Trukkur
Magnús Steindórsson Kakóinn/Kakó
Magnús Hauksson Suðurnesjanökkvinn
Magnús Korntop Korntoppurinn
María Guðsteinsdóttir Títlan/Júdasardrottningin
Margrét Sigurðardóttir Magga massi
Matthías Eggertsson Hæasinn
Már Óskarsson Marhnúturinn

Njáll Torfason Njallinn,Neil/Skelfirinn, Vestfjarðaskelfirinn

Orri Geirsson Adonis/Módelið/Aflraunaprinsinn
Ólafur Sigurgeirsson Bólan, Fógetinn.
Ólafur Karl Eyjólfsson Óli klútur/Óli slæða/ rokkó
Óskar Sigurpálsson Óld sker, Skörin

Páll Logason Fermeter
Páll Sigurðarson Patrópáver/Palli Patró/Flengmaster/Lyftusjarmörinn
Philip Óskar Sambó

Rúnar Friðriksson Fjósi.

Sigrún Finnsdóttir Skoltan/Fiskurinn
Sigfús Fossdal Skyri Fúsdal/Skyrhöfðinginn/Skyrhrúgan/Skyrmassinn
Sigurjón Ólafsson Miðnæturdeddarinn/Sjálfur
Sigurður Stefánsson Kanslarinn/ Handleggurinn
Sigurþór Arnarsson Silli trappi
Stefán Sigurðsson Kanslarasonurinn
Stefán Svavarsson Spjóti
Stefán Fannar Sigurjónsson Stebbi rauði, Fiskabúrið
Stefán Hallgrímsson Steve/Foringinn
Stefán Sölvi Pétursson Stórskjóðan
Sæmundur U. Sæmundsson Kálfurinn
Sólmundur Helgason Sóli
Skúli Óskarsson Smiðjusvínið/Stálmúsin/Fáskrúðsfirðingurinn frækni
Snæbjörn Aðils Snædýrið, Gælir
Sverrir Hjaltason Lakkrísinn/Lakkinn
Svavar Smárason Hlöllahlúnkurinn/Hlölli
Svavar Einarsson Tankurinn

Torfi Ólafsson Loðfíllinn/Torfan
Tómas Einarsson Drumbur

Valbjörn Jónsson Valli bakari
Valdimar R Valdimarsson Kerfismolinn/Valdi kerfis
Vilhjálmur Stefánsson Ketillinn
Viðar Sigurðsson Eftirlitið
Viðar Eysteinsson,Moli/ Viddi veiðihnífur
Víkingur Traustason Heimskautabangsinn
Völundur Þorbjörnsson Lundinn/Ofsinn/Kanadakanslarinn

Þorbjörn Þorbjörnsson Litli ofsi
Þorvaldur Krisbergsson Borgarnesbollan/bollan
Þorvaldur Vestmann Brói
Þórarinn Traustason Tóti Stallone
Þórir Borg Kóbran
Þór Sigurðsson Þrumuþór

Ögmundur Árnason Ömmi krazý/Ömmi sterki

JÓN GUNNARSSON

Þá er komið að frægum kappa er óhætt að segja. -Jón Gunnarsson heitir meistarinn sá. Allur ferill hans þyrfti eiginlega sér heimasíðu, enda stiklum við hér á stóru um hann og uppnefni hans. Jón byrjaði að æfa kraftlyftingar um 25 ára aldur. Hann birtist í Jakabóli veturinn 1984-85 og snemma varð ljóst að þarna færi mikið efni. Hann hefur landað fjölmörgum Íslandsmeistaratitlum og Íslandsmetum í kraftlyftingum. Jón á um 20 núgildandi Íslandsmet. Hann hefur í hjáverkum orðið meistari bæði í sjómanni og vaxtarrækt. Jón hefur t.d.unnið til silfurverðlauna á EM í kraftlyftingum 1990 í 90 kg flokki í Reykjavík og brons vann hann á HM 1996 í Salzburg Austurríki, einnig í 90. Jón á öll Íslandsmetin í samanlögðu í flokkunum 82,5 (780kg)-90(855kg)-100(960kg)-110(970kg.) sem er mikið afrek. En bestu tölur Jóns eru: Hnébeygja 390, Bekkpressa 225, Réttstöðulyfta 361. Jón hefur verið kallaður: SJÓMAÐURINN, LITLI TURBÓ og BÓNDINN

Jón Gunnarsson fæddist 22-1-1959 að Efri Læk við Ölfus í Árnessýslu. Sem sagt að íslensku konungskyni kominn í bændastétt, en það mun eigi vera svo auðvelt hlutskipti eins og segir í hinni gömlu vísu:

Bændur líða blíðurán
bognir stríða gleði án,
þeirra bíður þreföld smán:
Þræla, skríða og biðja um lán…

Jón vann frá unga aldri langan og strangan vinnudag við að handmjólka kýr og rýja gamla og baldna hrúta. Drengurinn þótti snemma greipsterkur og þrjóskur í ákveðni sinni við hversskonar átök. Hann vakti líka athygli sem unglingur í uppsveitum Árnessýslu þar sem hann var ósigrandi í hinni gömlu þjóðaríþrótt sjómanni. Vegna átaka í sjómanni þar sem Jón sigraði m.a. á opinberu Íslandsmóti var fyrsta viðurnefnið sem hann fékk á sig: SJÓMAÐURINN. Þegar Jón fór að rífa í sig íslandsmetin í páver kom Óli Sveinss fram með viðurnefnið: LITLI TÚRBÓ. Hvorugt þessara nafna átti þó eftir að festast við hann. Eftir einhverja helgina kom Jón þreyttur til æfinga en þá hafði hann skroppið heim í heiðadalinn og hjálpað föður sínum með því að rýja 80 hrúta einsamall. Skúli Óskarss,smiðjusvín tók eftir ægiþreytu Jóns og spurði hann hverju þetta sætti. Þegar Jón hafði svarað því sagði Skúli að bragði: “Ja hérna, JÓN BÓNDI! Eftir þetta límdist nafnið BÓNDINN við hann eins og mönnum er nú kunnugt. Jón ílentist í borginni og er einn af eigundum Gym 80 og starfar þar sem þjálfari. Hann er enn að keppa á þessu herrans ári 2004 og varð Íslandsmeistari í bekk fyrr á árinu. BÓNDINN hyggst fljótlega taka á því í öllum greinum páversins og mun því enn um sinn gleðja sanna unnendur stáls og lóða með ógnarafli sínu…

Eiríkur Einarsson

Eiríkur er einn af þeim mönnum sem alltaf er nátengdur Steve gym. Stundum verið kallaður fóstursonur Steve. Hann hefur aðallega keppt í bekkpressu og verið frábær aðstoðarmaður á mótum. Eiríkur er jafnan nefndur: gufubaðsstjórinn og stundum fóstursonurinn.

Að því er heimildir frá greina er Eiríkur staðfastur sveinn sem aðeins hefur fæti stigið í eitt gym: STEVE GYM..Hann byrjaði ungur að æfa í gamla Steve gym í Brautarholtinu.Var þar fljótlega í hávegum hafður og sórst í fóstbræðralag við Gumma landkynningu og Bjarka geysi. Eiríkur og Gummi hafa alltaf verið áhugasamir um krafta á hvaða tíma sólarhringsins sem er. Frægar eru einvígis kraftakeppnir þeirra í gamla gyminu á laugardagsnóttum á fullu tungli.. Þar hafa þeir háð harða hildi í dauðagöngum með þyngstu handlóð stöðvarinnar þar til gólfið var í rúst og aðeins einn stóð uppi.. Gufubaðsstjóra nafngiftin kom þannig til að á þessum sokkabandsárum gamla Steve gym var gufubað í stöðinni. Í helgar partíum var oft kveikt á gufubaðinu og þeim dömum sem voru svo lánssamar að vera á svæðinu var þá jafnan boðið í gufubað undir forystu Eiríks. Urðu þessi gufuböð með allskonar huggulegum púpum undirstaða að mörgum góðum flengingum.. Nú í dag er gufubaðsstjórinn orðinn settlegur heimilisfaðir sem æfir með það markmið fyrir augum að taka 200 kg á bekk, fyrr en seinna..