Kraftaheimar.net

Magister Cat rúmum rétt 5 sólarhringum eftir slysið…

Masterinn tók mynd af ritstjóranum í gær þegar bláminn var heldur farinn að minnka og bólgan að hjaðna…Eitthvað rifnaði í vinstri brjóstvöðva út við handarkrika en þarna tognaði kötturinn einmitt fyrir EM í fyrra,  bara ekki svona slæmt þá…Bekkpressa verður því fryst þar til á næsta ári en deddað á fullu á meðan…

Menn eru alltaf stöðugt að velta því fyrir sér í pávernum hvernig sé best að vefja á sér hnén, og eru mjög misgóðir í því.
Hér er ágætis kennslumyndband sem menn ættu að stúdera vel þannig að þeir klúðri ekki vafningunum á næsta móti!

Sigfús Fossdal bekkpressujöfur

Félagar í ÍKF METAL hafa kosið Sigfús Fossdal Kraftlyftingamann ársins. Sigfús er vel að sæmdarheitinu kominn þar sem hann m.a. varð heimsmeistari í bekkpressu og lyfti mestum þyngdum sem íslendingur hefur gert bæði í bekk með 345kg  og í hnébeygju þar sem hann tók 435kg og vann til silfurverðlauna á HM í samanlögðu.

Sigfús hefur nú um skeið verið sterkastur og bestur klakverja á erlendri grundu og mun hann eflaust verða hrikalegur í bardaganum við Palla fermeter að ná 1200kg í totali árið 2010. Palli varð einmitt annar í þessu kjöri hjá Metal en hann varð sem kunnugt er heimsmeistari unglinga í Las Vegas þar sem hann m.a. beygði 400kg eins og hundaskít..Valdi kerfismoli og Ingvar ringo  sem báðir eru þokkalegustu jaxlar urðu síðan jafnir í 3-4 sæti en aðrir molar hlutu eigi mikla náð kjósenda að þessu sinni…..

-

Herdís Hulda Guðmannsdóttir  - Tvister-sister

Herdís var kjörin kraftlyftingakona ársins.   Hún var reyndar sú eina sem keppti hjá félaginu á árinu en maður trúir nú ekki öðru en að kellingar almennt fari nú að gera betur í þessum efnum…Herdís var alveg vel að þessum heiðri komin þar sem hún varð Bikarmeistari og sýndi feikna tilþrif í beygjum og deddi þar sem hún setti Íslandsmet í báðum greinum.

TIL HAMINGJU SIGFÚS OG HERDÍS!

Fjölli, Einar, Kerfismolinn, Flosi og Sleifur ræða Heimsmeistaraklúbbinn….

Tvisterinn og Jói að hugsa um bætingar í guðsgreininni….

Hemmi formaður tók myndirnar en það vantar myndir af honum og nokkrum öðrum sem sátu fundinn….

Óþekktur krafta”moli”..(Eða gömul mynd af Valda kerfis…fengin að láni hjá íkf metal.is)

Kosning um kraftlyftingamann ársins  (Metalmola) er hafin.  Aðeins þeir sem kepptu hjá félaginu á árinu eða eru skuldlausir félagsmenn geta kosið.  Menn mega kjósa hvern þann sem þeim líkar en allir keppendur Metal 2009 eru í framboði þannig lagað…Atkvæði sendist til Hemma Haralds formanns félagsins á netfangið: hermann@xnet.is

Kosningu lýkur 30 desember en úrslit verða síðan bir á gamlársdag á Metalvefnum: HÉRNA

Þeir félagar Metal sem ekki náðu að keppa árinu og hafa ekki borgað árgjald og þeir sem vilja gerast félagar eða styrktarfélagar svo þeir verði örugglega löglegir í kosningunni gefst núna kostur á að borga árgjald 2009 með góðum svokölluðum gjaldkera-afslætti eða aðeins kr.4.000.

ÁTT ÞÚ EIGINMANN, KÆRASTA EÐA VIN SEM KEPPIR HJÁ METAL?…GERSTU ÞÁ FÉLAGI OG KJÓSTU ÞINN MOLA!

REIKNINGUR ÍKF METAL: 0338-26-000802

KENNITALA: 69110-0780

BORGIÐ STRAX OG KJÓSIÐ STRAX! - ÞAÐ BORGAR SIG!

ÞAR SEM SPENNANDI HLUTIR GERAST!

ÍKF METAL

Mótaskrá ársins 2010

13.febrúar Íslandsmót í bekkpressu

10.apríl Íslandsmeistaramót ÍKF Metal

24-26.júní Evrópumót á Akureyri

14.ágúst Guttormsmót í bekkpressu og Ísl.mót í réttstöðulyftu

2.október Fógetamót í bekkpressu (kjötmót)

23.október Bikarmót ÍKF Metal

3-7.nóvember Heimsmeistaramót í Bath á Englandi

World Powerlifting Federation

Á aðalfundi ÍKF METAL sem fram fór í gær var m.a. samþykkt að fara í einu og öllu eftir reglum Heimssambandsins (WPF) nema þá með einhverri sérstakri undantekningu í sér íslenskum aðstæðum sem upp gætu komið. Þannig verða áfram skráð sérmet í bekkpressu og réttstöðulyftu þar sem met tekin í kraftlyftingum geta ekki yfirtekið þau met þótt einhver þeirra geti verið hærri. Sem dæmi þá heldur velli met Adams Lirio í 75kg flokki í réttstöðulyftu 215kg þótt Magister hafi tekið 220kg á Evrópumótinu í sumar osfrv.

Heimsmeistaraklúbburinn sem stofnaður var í Las Vegas á dögunum er viðurkenndur af ÍKF METAL en er alveg sjálfstæður og kemur stjórn Metal ekki að honum formlega. Formaður í klúbbnum er Sir Cat.  Heimsmeistarar í öllum samböndum geta orðið þar félagar osfrv.  Vefurinn mun fljótlega segja meira af stofnun þessa merkilega klúbbs ( sem Tvisterinn fremur öfundsjúkur kallar Einkafílingskklúbbinn!)  og birta stofnlög hans ofl.

Næsta mót ÍKF METAL verður Íslandsmótið í bekkpressu sem mun fara fram laugard. 13 febrúar 2010 í SuperGym.  Evrópumótið í kraftlyftingum,bekkpressu og réttstöðulyftu fer svo fram á Akureyri  24-26 júní 2010. Mótaskrá fyrir næsta ár verður gefin út fljótlega.

Á fundinum kom fram breið samstaða og samstarf  ÍKF METAL við SuperGym en Benni tarfur mætti á fundinn og kom fram með margar góðar hugmyndir,auk þess sem hann sagði magnaðar sögur… Þau Benni og Gemma vinna  jákvætt og öflugt páverstarf sem er mjög mikilvægt fyrir þróun kraftlyftinga í landinu og styður Metal þau kraftahjón í þessu  eins og mögulegt er.

STJÓRN ÍKF METAL ER NÚ ÞANNIG SKIPUÐ:

Hermann Haraldsson (formaður)

Flosi Jónsson

Kári Elíson

Jóhann Gíslason

Valdimar R Valdimarsson

Sigfús Fossdal.

Á öðrum degi kepptu fimm Íslendingar.  Jón Bóndi, Gunni Master, Palli Patró, Valdi Kerfis og Fjölnir Tvister

Bóndinn tók 320 í beygju í fyrstu lyftu, fór í 340kg í annarri, hafði hana ekki og sat undir henni á meðan stangarmenn voru allt of lengi að ná stönginni af honum, þannig að hann fann eitthvað smella í hnénu.  Bekkurinn gekk upp hjá honum þar sem hann fór með 180, 190 og 200 í gegn.  Hann byrjaði rólega í deddinu út af meiðslunum, tók 245, fór svo í 285 og endaði í 300 og hefði mögulega tekið meira ef beygjan hefði ekki farið svona illa.  820kg glæsilegt total, og gull, veruleiki í 100kg masters flokki 50 ára öldunga.

Gunni Master átti sinn besta dag nokkru sinni í beygju og tók 200-225-242.5kg.  Í bekknum fór hann með 180 og 190, en klikkaði á 200.  Svo tók hann 260 í deddinu til að tryggja sig, fór svo í bætingu, 287.5kg og klikkaði á 292.5kg.  Hans besta total nokkru sinni, 720kg, og gullmedalía í masters 40+ 110kg flokki.

Palli Patró féll á tíma í fyrstu beygju með 190kg, meldaði síðan 200kg og klikkaði á henni.  Í þriðju beygju tók hann á honum stóra sínum og keyrði 200kg upp.  Í bekknum fleygði hann upp 130 og 140kg, en missti 150kg út úr ferli í þriðju tilraun.  Í deddinu byrjaði hann á 200kg þar sem hann hafði verið tæpur í bakinu síðustu vikur.  Í næstu fór hann í 225kg, og tók síðan 235kg í bætingu.  Palli bætti sinn besta árangur um 20kg og tók 575kg samanlagt.

Valdi Kerfis opnaði á 295, tók svo 315 öruggt en klikkaði á 325kg.  Síðan var sloppurinn að stríða honum þar sem hann missti ítrekað spennuna og hafði byrjunarþyngdina, 205kg, í gegn í þriðju tilraun með harðfylgi.  Í deddinu opnaði hann öruggt á 270kg, fór svo í 295kg og svo í 302.5kg í vel útreiknuðum stökkum.  822.5kg totalbæting í höfn og 4.sæti á HM. (fyrir utan að taka 2.5kg meira total en lærimeistarinn)

Tvisterinn opnaði á öruggri 220kg beygju, fór svo í jafnörugga 237.5kg beygju.  Í þriðju lyfti hann svo 250kg öruggt en klippti á dýptina.  Í bekknum tók hann öruggt 170, 182.5 og svo 187.5 í hægri zetor bardagalyftu.  Í deddinu opnaði hann á 200kg verandi deddkrypplingur, fór svo í 225kg til að tryggja 650kg total en klikkaði svo á 230kg deddi.  Persónulegar bætingar í öllum greinum og totalbæting um 27.5kg.

Þriðja daginn kepptu Fermeterinn og Skyri

Fermeterinn fékk fyrstu beygju með 380kg ógilda, tók það síðan öruggt og lyfti svo 400kg öruggt, en var enn hálfveikur eftir flensu síðustu vikna.  Í bekknum tók hann 280 mjög öruggt í fyrstu lyftu en klikkaði svo tvisvar á 300kg.  Í deddinu opnaði hann á 330, tók svo 355kg en klikkaði svo á 370kg fyrir ofan hné.  1035kg total og kominn upp fyrir félaga sinn Bolluna.  Heimsmeistari unglinga í -140kg flokki.

Skyri fór hálfsmeykur í 400kg en tók það létt.  Lyfti síðan 420kg þrátt fyrir að ná ekki að stilla sér almennilega upp.  Fór svo í þriðju tilraun með mestu þyngd sem Íslendingur hefur tekið í hnébeygju, 435kg, og fékk hana í gegn.  Í þessari síðustu beygju small eitthvað í hamnum hjá honum þannig að hann varð smeykur um deddið.  Í bekknum tók hann 332.5kg öruggt í fyrstu tilraun, fór síðan upp með 345kg en klikkaði á 350kg.  Eftir að hafa rætt málið við Ed Coan ákvað skyri að vefja á sér hnén í deddinu.  Hann fór hægt upp með 310kg og mátti dedda 27.5kg minna en Lance Karabel og samt vinna.  Lance tók 345kg í annarri og Sigfús fór í 330kg til að tryggja sér sigur á stigum líka.  Það var því áfall þegar hann klikkaði tvisvar á henni og sat eftir með 1090kg á móti 1095kg hjá Lance.  Hins vegar glæsilegt total í höfn, og annað sætið í súpernum.

Svo eftir hvatningaróp við eina lyftuna stöðvaði Ed Coan Tvisterinn og sagði við hann að án efa væri íslenska flottasta mál í heimi til að hvetja pávermenn áfram, það hljómaði allt svo hrikalega þegar það væri öskrað á íslensku!

Ritað af Fjölni Tvister