Kraftaheimar.net

Stefán Hallgrímsson frjálsíþróttakappi

Það bárust lengi vel engar fréttir af Foringjanum úti í Kanada og Magister sagði strákunum í gyminu að það þýðir alltaf bara eitt…enginn sigur…HM í frjálsum íþróttum öldunga fór fram í borginni Kamloops. Fleiri hundruð keppendur voru þar á ferð. Milljarðamæringurinn hressi Kristján Gissurar stórbísnessmaður og stangarstökkvari ætlaði með Steve á mótið en heltist svo úr lestinni…Það var einmitt annarskonar helti sem lagðist á annan fót foringjans sem varð til þess að hann missti af sigrinum…

Kappinn hlaut tæplega 4000 stig í fimmtarþrautinni en sigurvegarinn sem var frá Kanada hlaut rúm 4000 stig eða 50 stigum meira en silfurhafinn og 100 stigum meira en Steve sem varð að haltra sig í gegn í síðustu tveimur greinunum…Steve á örugglega eftir að sækja hart að titlinum á næsta ári og mun þá örugglega skilja kellinguna eftir heima svo hann þurfi ekki að eyða dögunum fyrir keppnina að mestu uppi í rúmi á hótelherbergi en geti æft á hverjum degi fram að keppni í staðinn eins og hann er vanur….Menn læra svo lengi sem lifa….

Ath breitt dagsetning : Íslandsmót WPC Ísland í Bekkpressu og Réttstöðulyftu verður haldið Laugardaginn 20 mars kl 13 í Jakabóli, viktun verður Föstudaginn 19 kl 19-20 og Laugardaginn 20 kl 11-12 skráning á magnusver63@hotmail.com eða með sms í síma 6630001.

Kviðurinn á Skyranum þenst út í massa sem gefur…

Heimsmeistarinn á bekk. Sigfús Fossdal mætti helbreiður á æfingu í SuperGym í dag…Kappinn hefur nú þyngt sig upp í 170kg en samt létt sig um 1kg ( frá því hann var 171kg!) og lagað þannig til kviðinn að hann er orðinn sérstök tegund af deddkvið…  Segir Skyrinn ótrauður að þetta muni gefa honum í sumar á EM dedd upp á 370kg…Sennilega er ætlun hans sú að ýta kviðnum upp fyrir páverbeltið í svona Andy Bolton stíl…takist það er fátt sem stoppar Skyrann í deddinu frekar en á bekknum…Í dag bekkjaðist kappinn á og tók old time Jakabóls prógram með fimmur eða sem sagt 200 5×5 og átti inni!…Kappinn sat áðan fund stjórnar ÍKF Metal um Evrópumótið á Akureyri sem er á góðri áætlun….

Mjölnir miðar áfram og verður tilbúinn fyrir sumarið

Formaður AFA - Aflraunafélags Akureyrar Jón Þór Ásgrímsson er afbragðs smiður á járn og annað drasl í stíl við Baldvin bekk..Hann er nú að smíða á fullu þennan aflraunatækis bíl sem er upprunalega Nissan Sunny árg.1992 og er því af góðum ættum…Það var Partasalan Austurhlíð á Akureyri sem gaf félaginu bílinn til þess að hjálpa norðlendingum til að verða enn hrikalegri og þá sérstaklega í réttstöðu…  Nefnilega á meðal þess helsta sem verður hægt að gera með bílinn er að dedda, taka beygjur og bekk og ganga með eins og  hjólbörur ofl.

Það þarf talsvert járn í svona græju og hefur fyrirtækið Sandblástur og málmhúðun styrkt AFA í því..

Jón Þór hefur að mestu  unnið einn að smíði Mjölnis en þó hefur Sólveig kona hans sem er efnileg í deddinu einnig aðstoðað hann sem handlangari eftir þörfum…Nafnið Mjölnir kemur úr hinni íslensku goðafræði og er Mjölnir hamar ofurguðsins Þórs sem lamdi mann og annan í hausinn með hamrinum eftir nauðsynlegum geðþótta hvort sem það voru frændur eða fé… Heimild fyrir þeim athöfnum má finna á vef Ásatrúarmanna….

Það þarf fullt af útbúnaði í svona smíði og aðstöðu til að geyma tækið en þar hefur fyrirtækið Bílvirki komið til sögunnar og þar fer smíðin alfarið fram

Mjölnissmiðurinn Jón Þór Ásgrímsson

Fyrir utan smíðarnar á Mjölni ofl. þá er Jón Þór á fullu að æfa sjálfur fyrir aflraunir og páver og hefur m.a. hugsað sér að keppa á EM í páver á Akureyri í sumar og stefna á 800kg í total…Hann er nú að koma upp úr þungum 5 og 8 repsa æfingum þar sem hann hefur t.d. tekið  í deddi  200kg 8×2! og 180kg 5×5 í beygjum…GRÆJULAUST….Það varða mikil átök hjá AFA í sumar en þar er unnið mikið aflrauna og páverstarf undir forystu þeirra félaga Jóns Þórs og Sigfúsar skyrhöfðingja. Þeir eru báðir í hrikalegum anda…

Benni breiðsíða

Magister fór fyrir 15-20 árum að kalla bekkpressujöfurinn og heimsmethafann Jón B Reynisson viðurnefninu BREIÐSÍÐAN eða einfaldlega Benni breiðsíða. Síðari tíma pávermenn fóru hinsvegar að kalla kappann Big -Ben….Það hefur nú komið á daginn að það er öruggara og heilnæmara fyrir Benna að halda sig við Breiðsíðunafnið smbr. eftirfrandi frétt: HÉRNA

Annars er það að frétta að Breiðsíðan hefur fengið staðfest öldunga heimsmet sitt í bekkpressu 275kg í 140kg flokki 45-49 ára en þetta met setti hann á Íslandsmóti ÍKF Metal í bekkpressu um daginn.

BESTI BITINN Í BÆNUM

Benni var einnig í Fréttablaðinu í gær þar sem hann var spurður spurningu dagsins um besta bitann í bænum?…Ekki stóð á svarinu hjá heimsmethafanum: “Það er Bætingabátur á Hlölla. Hann er gerður bara fyrir stóra og stæðilega menn. Þarna er allt milli himins og jarðar og vel af kjötinu…

Góður plús fyrir aðalmanninn Hlöllahlúnkinn.…

Cat er vígreifur um þessar mundir…

Eftir að hafa tekið 21 sett á bekk í gær með inniföldum 120kg öruggum kjötbekk og hrikalegum keðjubekk og sett inn Léttflokkaskelmis greinina fyrr í dag varð ritstjórinn að standa undir einhverjum væntingum…Dedd var á dagskrá þar sem allt færi upp þótt nýlega væri búið að keppa og WPC Meistaramót í bekk og deddi væri rétt framundan….220×3! fór skemmtilega upp hjá Cat og “Síðasta virðingin” Hörður Magnússon ( Ölli vinur) kinkaði kolli í viðurkenningarskyni áður en hann fór af æfingu…

WPC Íslandsmót í bekk og deddi verður laugardaginn 13 mars….HRIKALEG KEPPNI!..Skráning á: magnusver63@hotmail.com

Sir Magister Cat

Á 40 ára lyftingaafmælisári sínu núna hefur  Kári magister þegar unnið sinn 51 Íslandsmeistaratitil í lyftingum og kraftlyftingum í 4 samböndum sem hafa haft með kraftlyftingar að gera þ.a.s. LSÍ. Kraft, ÍKF Metal og RAW Ísland. Það er í sjálfu sér met en um næstu helgi heldur WPC páversambandið Íslandsmót í bekk og deddi og takist ritstjóranum að vinna 75kg flokkinn þá, nær hann því markmiði að vera fyrstur á Íslandi til að vinna titla hjá öllum samböndum…EKKI MISSA AF ÞESSU MÓTI!

Á æfingu um daginn í SteveGym sagði Fjölli teygjutvister við strákana: “Nú kalla ég köttinn LÉTTFLOKKASKELMIRINN”!… “Nú, sagði Rúnar seigluhestur..afhverju það?”…”Vegna þess, svaraði Tvister,að kötturinn er í svo miklum anda núna að hann toppar allt og skrifar svo hrikalega á Kraftaheima að allir léttmolar sem ætla að keppa við hann verða skíthræddir!”

Ritstjórinn heyrði þetta og sagði hæversklega: “ÞAÐ GETA ALLIR KEPPT VIÐ KÖTTINN EN AÐ SIGRA HANN ER ALLT ANNAÐ MÁL!”….Það  má hinsvegar minna á það enginn vinnur keppni fyrirfram hvort sem hann er einn í flokki eða andstæðimgarnir eru hundrað…Það geta allir fallið úr keppni með óheppni eða mistökum…Það þurfa allir að hafa í huga:  Það þarf að halda einbeitingu, sleppa við meiðsli og  síðan ekki síst: taka  örugga byrjunarþyngd eins og segir í lögum Heimsmeistaraklúbbsins…

ÍSLANDSMÓT WPC Í BEKK OG RÉTTSTÖÐU VERÐUR HALDIÐ Í JAKABÓLI LAUGARDAGINN 13 MARS. VIGTUN DAGINN ÁÐUR. SKRÁNING KEPPENDA SENDIST Á NETFANGIÐ:

magnusver63@hotmail.com

Völundur Wally Þorbjörnss í miðið með sendiherrahjónum Íslands í Kanada 2008 þeim Markúsi Erni og frú hans

Wally Kanadakanslari sem hélt hina rómuðu landskeppni í páver í Kanada 2008 með tilstilli ÍKF Metal er með efnaðri mönnum í páverheiminum. þótt enginn kunni raunveruleg skil á auðæfum hans í ríkidæmi hans í Kanada….Kappinn vill ekki bara vera sófajötunn og liggja á gulli sínu þar til kjötbekks-guðirnir taka hann til sín, heldur vill hann í verki styrkja helstu pávermenn Metal til frekari afreka með nokkuð sérstæðum skilyrðum….

Taki Skyrhöfðinginn Sigfús Fossdal 1200kg í total á EM á Akureyri í sumar fær hann 100.000 kr áheitarverðlaun.

Taki Benedikt Magnússon tarfur nýtt allratíma heimsmet í réttstöðulyftu fær hann 100.000kr. áheitarverðlaun.

Núgildandi heimsmet allra tíma í deddinu er 457,5kg Andy Bolton Bretlandi.

Kanadakanslarinn mun auk þessa gefa nokkra vel valda stigabikara á  EPC Evrópumótið sem ÍKF Metal stendur fyrir á Akureyri og Sigfús Fossdal verður aðal mótshaldari þess.

Það væri nú sérlega gaman ef Benni tarfur gæti nú stefnt að nýju heimsmeti á EM, því allir íslendingar vita að hann er þess megnugur…Að vinna hundrað þúsundkallinn hjá Wally myndi líka borga allan ferða og gistikostnað Tarfsins fyrir norðan…Það væri nú gaman ef fleiri pávermenn eða menn tengdir páverheiminum sem luma á seðlum myndu taka Wally sér til fyrirmyndar og styrkja afreksmenn ÍKF Metal, því íþróttamenn félagsins hafa unnið mestu afrek allra landsmanna í páver á síðustu árum….

Það vita allir hvað Skyrinn getur og það er aðeins tímaspursmál hvenær hann stútar 1200kg múrnum…en hann fær reyndar harða samkeppni um þennan múr frá Palla fermeter…Næstu mót ÍKF Metal verða hvílíkt hvílíkt DÚNDUR!!!!